لازم نعمل شئ ملموس كفينا كلام وقهر نفوس

بسم الله الرحمن الرحيم
السلام عليكم ورحمة الله وبركاته
يقول الله عز وجل فى كاتبه العزيز

يَا أَيُّهَا الَّذِينَ آَمَنُوا لِمَ تَقُولُونَ مَا لَا تَفْعَلُونَ (2) ( الصف

لَن تَنَالُواْ الْبِرَّ حَتَّى تُنفِقُواْ مِمَّا تُحِبُّونَ وَمَا تُنفِقُواْ مِن شَيْءٍ فَإِنَّ اللّهَ بِهِ عَلِيمٌ (92) ( آل عمران)

وَاعْتَصِمُواْ بِحَبْلِ اللّهِ جَمِيعاً وَلاَ تَفَرَّقُواْ وَاذْكُرُواْ نِعْمَتَ اللّهِ عَلَيْكُمْ إِذْ كُنتُمْ أَعْدَاء فَأَلَّفَ بَيْنَ قُلُوبِكُمْ فَأَصْبَحْتُم بِنِعْمَتِهِ إِخْوَاناً وَكُنتُمْ عَلَىَ شَفَا حُفْرَةٍ مِّنَ النَّارِ فَأَنقَذَكُم مِّنْهَا كَذَلِكَ يُبَيِّنُ اللّهُ لَكُمْ آيَاتِهِ لَعَلَّكُمْ تَهْتَدُونَ [ آل عمران الآية 103]

وَالَّذِينَ آمَنُواْ وَعَمِلُواْ الصَّالِحَاتِ لاَ نُكَلِّفُ نَفْساً إِلاَّ وُسْعَهَا أُوْلَـئِكَ أَصْحَابُ الْجَنَّةِ هُمْ فِيهَا خَالِدُونَ (42) ( الأعراف)

وَلَا نُكَلِّفُ نَفْساً إِلَّا وُسْعَهَا وَلَدَيْنَا كِتَابٌ يَنطِقُ بِالْحَقِّ وَهُمْ لَا يُظْلَمُونَ (62) ( المؤمنون)

لِيُنفِقْ ذُو سَعَةٍ مِّن سَعَتِهِ وَمَن قُدِرَ عَلَيْهِ رِزْقُهُ فَلْيُنفِقْ مِمَّا آتَاهُ اللَّهُ لَا يُكَلِّفُ اللَّهُ نَفْساً إِلَّا مَا آتَاهَا سَيَجْعَلُ اللَّهُ بَعْدَ عُسْرٍ يُسْراً (7) ( الطلاق)

وَأَقِيمُواْ الصَّلاَةَ وَآتُواْ الزَّكَاةَ وَمَا تُقَدِّمُواْ لأَنفُسِكُم مِّنْ خَيْرٍ تَجِدُوهُ عِندَ اللّهِ إِنَّ اللّهَ بِمَا تَعْمَلُونَ بَصِيرٌ (110) (البقرة)

وَلِكُلٍّ وِجْهَةٌ هُوَ مُوَلِّيهَا فَاسْتَبِقُواْ الْخَيْرَاتِ أَيْنَ مَا تَكُونُواْ يَأْتِ بِكُمُ اللّهُ جَمِيعاً إِنَّ اللّهَ عَلَى كُلِّ شَيْءٍ قَدِيرٌ (148) (البقرة)

يُؤْمِنُونَ بِاللّهِ وَالْيَوْمِ الآخِرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ وَيُسَارِعُونَ فِي الْخَيْرَاتِ وَأُوْلَـئِكَ مِنَ الصَّالِحِينَ (114) ( آل عمران)

وَسَارِعُواْ إِلَى مَغْفِرَةٍ مِّن رَّبِّكُمْ وَجَنَّةٍ عَرْضُهَا السَّمَاوَاتُ وَالأَرْضُ أُعِدَّتْ لِلْمُتَّقِينَ (133) ( آل عمران)

ذَلِكَ الْكِتَابُ لاَ رَيْبَ فِيهِ هُدًى لِّلْمُتَّقِينَ (2) الَّذِينَ يُؤْمِنُونَ بِالْغَيْبِ وَيُقِيمُونَ الصَّلاةَ وَمِمَّا رَزَقْنَاهُمْ يُنفِقُونَ (3) والَّذِينَ يُؤْمِنُونَ بِمَا أُنزِلَ إِلَيْكَ وَمَا أُنزِلَ مِن قَبْلِكَ وَبِالآخِرَةِ هُمْ يُوقِنُونَ (4) أُوْلَـئِكَ عَلَى هُدًى مِّن رَّبِّهِمْ وَأُوْلَـئِكَ هُمُ الْمُفْلِحُونَ (5) إِنَّ الَّذِينَ كَفَرُواْ سَوَاءٌ عَلَيْهِمْ أَأَنذَرْتَهُمْ أَمْ لَمْ تُنذِرْهُمْ لاَ يُؤْمِنُونَ (6) ( البقرة)

وَالْمُؤْمِنُونَ وَالْمُؤْمِنَاتُ بَعْضُهُمْ أَوْلِيَاء بَعْضٍ يَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ وَيُقِيمُونَ الصَّلاَةَ وَيُؤْتُونَ الزَّكَاةَ وَيُطِيعُونَ اللّهَ وَرَسُولَهُ أُوْلَـئِكَ سَيَرْحَمُهُمُ اللّهُ إِنَّ اللّهَ عَزِيزٌ حَكِيمٌ (71) ( التوبة)

الموضوع باختصار هو فكرة انشاء بنك للقروض التى ترد بنفس القيمة بمعنى اقتراض مبلغ يرد على اقساط بنفس المبلغ بدون زيادة ويكون الهدف الاساس هو مساعدة الشباب على اهم شئ وهو

اولاُ ـــ مشروع الزاوج ودة اعتقد اهم مشروع واهم شئ بيفكر فية الشاب وللاسف بسبب الحالة المادية مش بتساعد
ثانيا ـــ عمل الشاب وهو بعد حل مشكلة الجواز نحل مشكلة الشغل والبطالة وعشا يعرف الشاب يسد القرض الحسن اللى بدون فوايد

الفكرة بسيطة جدا
اولا يكون فية اشتراك شهر للمنتدى وتكون قيمة الاشتراك 10 جنية عشرة جنيهات فقط لاغير ويا ريت محدش يقول مش حعرف اوفر العشرة جنية اصل انا طالب ولا عاطل ولا اي سبب من الاسباب اللى مش حتودى ولا تجيب
ملحوظة : اكيد طبعا كل الاخوة المغتربين حيكون ان شاء الله قيمة الاشترك اكتر من كدة وبرضو اللى عاوز يدفع عشرة جنية هو حر انا بقول لو دفع اكتر يكون احسن طبعا وتعالو بحسبة بسيطة نحسب ممكن كل سنة يكون معنا كام

احنا دلوقتى عددنا فى المنتدى 190 فرد وطبعا انا شايف العدد ان شاء الله قابل للزيادة صح ولا فى حد لية رأي تانى انا حفرض ان العدد حيكون يعنى 200 فرد ودة طبعا اقل الاحتملات
الدخل الشهري = 10 جنية فى 200 شخص = 2000 جنية فى الشهر انت معايا فى الشهر
يعنى فى السنة = 2000 جنية فى 12 شهر = 24000 اربعة وعشرون الف جنية
اعتقد ان المبلغ مش بسيط وممكن يحل مشاكل كتير جداجداجدا
بعد كدة نفتح باب التقديم لاخذ القرض من لجنة متخصصة هى اللى تقرر مدى احتياج الشخص للقرض بعد الفحص والتمحيص طبعا ويكون فيه شروط خاصة للشخص اللى حيتم اختيارة وممكن المبلغ يتم توزيعة مثلا على شخصين كل شخص ميلغ 12000 جنية ويكون هناك الية معينة فى اتخاذ الضمانات اللازمة لرد المبلغ واختيار الشخص وصفات معينة للشخص لازم تتوافر فية على سبيل المثال وليس الحصر والباب مفتوح للنقاش
اولا : غير مدخن
ثانيا ـ حسن السير والسلوك بشهادة اهلى البلدة
ثالثا ـ التزامة من الناحية الدينية والاخلاقية
رابعا ـ وجود الضمانات اللازمة فى حالة عدم القدرة على السداد
خامسا ــ وغيرها من الشروط اللى ممكن نتفق عليها بالاجماع

ونفس الكلام فى الاقتراض من اجل المشروعات اللى ممكن تساعد الشباب اللى موجود فى البلد الشباب اللى يستاهل يتساعد بس اقصد الشباب المحترم اللى أخلاقة كويسة عشان يكون دة دافع للشباب الغير ملتزم ويلتزم
ويتم جدولة سداد المبلغ على قسط شهر حسب الاتفاق علية
فى النهاية اتمنى ان الفكرة لو نالت اعجبكم نبدء فى التنفيذ فى اسرع وقت ممكن
وطبعا يكون هناك قسم لمساعدة المريض واليتيم وغيرها من المساعدات الواجبة علينا بما اننا مسلمين صح ولا اية
لازم نعمل شئ ملموس كفينا كلام وقهر نفوس

اخوكم / أيمن

بصراحة كلام جميل جداً جداً وأنا معاك فى الكلام دا ويا ريت نشكل لجنة سريعاً ونبدأ فى تنفذ المشروع الجميل دا كنا بنفكر فيها جميعاً بس فى نطاق محدود شوية يعنى كل 10 أصدقاء يشتركوا مع بعض ويجوزوا واحد منهم وبعديها بستة شهور يجوزوا التانى وكدا يعنى يجمعوا مبلغ يساعد زميلهم فى الجواز

كلامك ممتاز يأستاذ أيمن ويا رب نثبت الموضوع دا ويكون باب للنقاش لتشكيل اللجنة وانا مستعد من دلوقت ويا رب يكون االجميع معانا فى الكلام دا
بجد هي دى الأفكار ولا بلاش

يا ريت يا جماعة نكون إيد واحده والموضوع دا جميل جداً يا رب يتنفذ بجد مساهمة ممتازة من الأستاذ أيمن وفكر ممتاز جداًيا أستاذ أيمن وفقك الله لما هو خير لك ولبلدك

بس الله ما شاء الله يا استاذ ايمن الغربة في السعودية مخلياك تلعلع وبقيت المعي ايه الافكار دي
بجد دي احسن حاجة شفتها علي المنتدي مع احترامي لكل الحاجات الحلوة اللي في المنتدي بس بصراحة فكرة في الجون والتنفيذ بسيط وياريت نعمل مجلس ادارة للمنتدي تتوفر فيهم الشروط اللي انت ذكرتها وموضع الاشتراك ياريت نخليه تطوعي مش اجباري لان معظم الاعضاء طلبة وربنا اعلم بالناس مش كلنا في السعودية يا عم ايمن
بس اوعدك ان احنا لو استقرينا علي مجلس الادارة حعرف ان شاء الله اجمع مبلغ محترم للمنتدي او صندوق التسليف للمشاريع الصغيرة او الزواج او لا قدر الله العلاج والوفيات
وياريت متبخلش علينا يا عم ايمن بافكارك
وربنا يوفق الجميع

بسم الله الرحمن الرحيم
السلام عليكم ورحمة الله وبركاته
شكرا جزيل للاخ محمد حسين على التأييد القوى للفكرة وطبعا الشكر للاخت امولة واتمنى يا اخت امولة انها تكون ان شاء الله واقع وليس فكرة
اما الاخ محسن والله يا اخ محسن دية اقل حاجة عندى عشان شعور الاخوة الزملة اقتباس من فلم محمد هنيدى صعيدى فى الجامعة الامريكية ( دعابة يعنى ) طبعا شكر جد على التوجيهات ولكن بالنسبة للمبلغ يا ع محسن اعتقد 10 جنية مش مستاهلة السعودية ولا الامارات يعنى الطالب لو عاوز يوفرها حيوفرها اشمعنى فلوس الكتب بيخدها اكتر من 20 مرة فى السنة ولو فى قميص ولا بنطلون عجبينه بيعمل اللى مش ينعمل عشان يجبهم انا اقصد لازم الشباب يتعلمو الاعتماد على انفسهم ويتعلمو حب المشاركة واعتقد 10 جنية مش مبلغ مش تقلى عشان انت فى السعودية ولا عشان فى مدغشقر وبعدين موضوع المغتربين هو الاهم طبعا يعنى واحد ذى سين من الناس اى واحد مش اقصد شخص معين موجود فى اى دولة طبعا مش ينفع يدفع 10 جنية بس طبعا احنا طمعنين فى اكتر من كدة وانا بصراحة مش كنت ناوى اشارك فى المنتدى باي حاجة ولكن كل لما ادخل الاقى اكثر الموضوعات واكثر المشاركات فى قسم النكت فبصراحة انا زعلت جدا جداجدا وطبعا انا مش اقصد ان احنا نلغى قسم النكنت ولكن يكون فيه اهتمامات اخره معهم واللى له ميلو يعملها بس لازم يكون لينا دور عشان كدة قرر اكتب الموضوع دة حتى لو مافيش اى حد ساعد فى تنفيذها لان انا معتقد ان لازم يكون لينا دور فى البلد وياريت لو الموضوع حيكون فى طور التفيذ نبدء نخصص لها صفحة خاصة على المنتدى للمناقشة ونفتح باب النقاش لمدة 15 يوم وياريت الكل يقول رأيه ودة طبعا دور الادارة الاخ احمد ابو الزين والاخ احمد ابو فتحى وباقى المسئولين فى المتدى عاوزين نبدء كفاية كدة

بسم الله الرحمن الرحيم
انا متفائل ان شاء الله ان الموضوع ده يمكن يعمل روح بجد ويكون صاحب أول خطوة عملية علي ارض الواقع من اعضاء المنتدي وعشان الاموضوع ميهداش ياريت نبدأ بأنفسنا ياعم ايمن انت وانا وياريت تبعت مبلغ وانا ابعت مبلغ للاستاذ فتحي ابو السيد والد احمد فتحي يكون تحت حساب المنتدي لحد ما نتفق علي الشكل النهائي سواء كان جمعية مشهرة او مجلس ادارة تابع للمنتدي ولادارة المنتدي او اي كان الشكل مش حنختلف وانت ليك دور في السعودية مع الاستاذ ابو حسين سنجر وربنا يقويني علي اللي هنا معايا والمبلغ اللي انت حسبتو ممكن نجمعو في شهر واحد لو نوينا بجد
ياريت الاستاذ احمد فتحي يسأل والدو اذا كان عندو امكانية يتولي الموضوع لحد اعضاء المنتدي ما ياخدو قرار او يرشحو اي شخص اخر وخلينا نبتدي وربنا يوفقنا خير ونشوف صوالح زي ما احنا بنتمناها

بسم الله الرحمن الرحيم
السلام عليكم ورحمة الله وبركاته
والله يا اخ محسن دة هو اللى انا كنت مخطط ليه ونفس الشخص الاستاذ / فتحى ابو السيد هو اللى كان فى النية وربنا يسهل ويا ريت نكتب فى كل اقسام المنتدى الموضوع عشان الكل يشوفه وانا ومحمد وكل اللى فى السعودية من ناحية والبركة فيك من ناحية تانية ان شاء الله وربنا المستعان
اخوكم / أيمن

وانا موافق على المشروع ومستعد ادفع العشرة جنيه

بسم الله الرحمن الرحيم
جزاكم الله خيرا على سرعة التفاعل يا استاذ محمود ونتمنى من كل اعضاء المنتدى اتخاذ خطوة فعاله ويكون عند الجميع سرعة المبادرة الطيبة
اخوكم / أيمن

يا ريت يا جماعة نتفق على معاد نكون جميعاً موجودين فى الصفحة دى ونبدأ النقاش أو على الشات الياهو علشان بجد نبدأ فى وضع الخطوط العريضة اللى هنبدأ بيها الموضوع والخطوة اللى إنتوا هتاخدوها كويسه جداً بس لازم نسبقهابخطوه النقاش يا ريت يا جماعة وشكراً

بسم الله الرحمن الرحيم
السلام عليكم ورحمة الله وبركاته
ان معاك فى موضوع التواجد وباقترح انه يكون يوم الجمعة
فى تمام الساعة التاسعة مساءا بتوقيت الصوالح
اخوكم / أيمن

لكى يتم انشاء اى مشروع متعلق بالبلدة فيلزمه مجلس ادارة مشروعات المنتدى

اقترح ان شاء هذا المجلس من اعضاء يتم الموافقه عليهم حسب شروط معينه

وعشان حاجه من دى تحصل

يبقى لازم نستنى للصيف

السلام عليكم ورحمة الله وبركاتة

بارك الله فيك استاذ ايمن وجزاك الله كل الخير

بداية الفكرة جميلة جدااااا

وندعو الله ان تتم وتنفذ باذن الله

ولكن اختلف مع محمود ابو سنجر

انا لا اريد ات تموت هذه الفكرة اذا انتظرنا للصيف

ويوم الجمعة انشاء الله كما حدد الاخ ايمن بتمام الساعة التاسعة

سيكون النقاش على هذا الموضوع فى هذة الصفحة وسوف يوضع موضوع

باسم (دعوة عامة الى جميع الاعضاء ) فى كل اقسام المنتدى ندعوهم

للمشاركة معانا فى هذا الموضوع حتى يتم الاستقرار على الشكل

النهائى لهذه الفكرة ويتم فتح حساب بالبنك باسم المنتدى

اما لنقطة الاخ محمود نستنى للصيف

يعنى نجمع اللى نقدر عليه دلوقتى فالصيف هيزيد مش يجرى اى حاجة

يعنى

وانا مستعد لدفع العشرة جنيهات

واعتقد الحاج فتحى مش يمانع فى حاجة زى دى

فمشكووووووووووووور اخ ايمن على الفكرة

وانشاء الله على موعدنا يوم الجمعة الساعة التاسعة

وانتظر ردودكم

والله مشروع جميل جدا بس زى ما الاستاذ محمد بيقول لازم يكون فى نقاش جاد

وان شاء يتحقق المشروع وبارك الله فيك اخ ايمن

الأخ الفاضل ايمن جزاكم الله خيراً على هذا الاقتراح وإن شاء الله انا امامكم في هذا الموضوع ولكن لابد من وضع آلية له وذلك لا يتم إلا بعد تشكيل لجنة تشرف على هذا وكما تفضلت هي التي تضع آلية الصرف والشروط التي يجب توفرها في المستفيد وخلاف ذلك
وتمنياتي لكم ولجميع القائمين على المنتدى بالتوفيق وجزاكم الله خيراً

ان شاء اللع يجماعه انا معاكم فى الفكره الجميله دى

ونا ممكن اعلن للموضوع فى الرئيسيه

ونتبرع باللى ربنا يقدرما عليه ومش شرط عشره

ومن زاد ربنا يزيد عليه

وممكن نعمل حساب عالنت على اى بنك مث الباى بيل

يكون باسم المنتدى لتلقى التبرعات او حتى على الفيزا

وتكون تحت اداره منظمه والموضوع كله شفافيه

والله الموفق

بسم الله الرحمن الرحيم
السلام عليكم ورحمة الله وبركاته
دة هو المتوقع من شباب وناس فعلا عاوزين مصلحة البلد ومش بيبصو على مصالح شخصية هو دة الكلام المظبوط وبوجة كثير الشكر للاخ احمد فتحى والاخ احمد ابو الزين على التعاون الجبار فى انتشار الموضوع على المنتدى لكي يكون عند اكبر عدد من الاعضاء فكرة على الموضوع وطبعا باشكر الاخ اسلام الذي هو اخ لم تنجبه امى فعلا ولا نزكى على الله احد وطبعا السيد / خةشق_فخفخسئ والاستاذ محمود سنجر اللى كان حيدفع العشرة جنية ومش عارف رجع فى كلامة تانى لية طبعا بضحك معاك يا ابو حنفى على فكرة انا معجب بمقالاتك جدا جدا ربنا معاك
ومعادنا يوم الجمعة فى تمام التاسعة مساءا ان شاء الله بتوقيت الصوالح اتمنى ان يكون اكبر عدد موجود عشان ناخد قرارات فعاله جزاكم الله خير
اخوكم / أيمن

بسم الله الرحمن الرحيم
السلام عليكم ورحمة الله وبركاته
الاول انا معاكو بس انا مش عاوز كلام وبس عوزين فعل ونطمح اكبر من كدا وربنا يوفق الجميع

السلام عليكم ورحمة الله وبركاتة

معلشى يعم ايمن

محمود ليه عذره

مش نقدر نجبره على التواجد فى الوقت ده

الامتحانات على الابواب وهو فى ثانوية ازهرية

ربان يوفقة

بس انشاء الله يكون موجود الجمعة معانا

والسلام ختام

بسم الله الرحمن الرحيم
أخونا الأستاذ /أيمن ...إخواني أعضاء المنتدي القيم المحترم
السلام عليكم وحمة الله وبركاته
المشروع المقرح إقامته موجود فعلاً في القرية ويحتاج إلي دعمكم وبإشراف الأستاذ فتحي السيد وآخرين من الأكفاء في القريةوهو ((الجمعية الخيرية بالصوالح)) فلم لا تساهمون في هذه الجمعية مع طرح فكرتكم الرائعة علي مجلس إدارة الجمعيةعلي أن تكون الفكرة من أحد أنشطة الجمعية إضافة إلي ما تقوم به الجمعية من أنشطة أخري كرعاية اليتيم والأرامل علي أن يكون بند خاص بالجمعية لهذا المشروع وتجمع له التبرعات والإشراكات من كل من يريد المساهمة سواء من داخل المنتدي أو من خارجه وشكراً لسعة صدوركم&
السلام عليكم وحمة الله وبركاته[code]

بسم الله الرحمن الرحيم
السلام عليكم ورحمة الله وبركاته
شكرا لك يا استاذ
rocco
علي المشاركة وانا من رأي مش مهم مين اللى يعمل او يكون عن طريق مين المهم ان الموضوع ياخد طابع الجدية ونبدء فى حاجة ملموسة وانا شايف ان رأيك ممتاز
اخوكم / أيمن

السلام عليكم ورحمة الله وبركاته بدون مبالغة او اي مجاملات لا انكر انني لم يشدني الي المنتدي اكثر من ذلك الموضوع الذي يقصه واحد من اروع مايضمهم المنتدي وانا لا اشكر فيه ولكن روعة الموضوع وبريق مضمونه هو ماجعلني اشيد بصاحبه وليتنا نسمع من ذلك الموضوع او يعادله في مضمونه ولنشد يد بيد نحو تحقيق ذلك الهدف الغير مستحيل ولك جزيل الشكر يا مستر ايمن

ياريت انشاء الله ميبقاش كلام ونيجي عند الدفع محدش يسمع او النت يفصل يوم الدفع ههههههههه ( والله اجنن) كلينس انا ياناس

السلام عليكم ورحمة الله وبركاته
يقول الله تعالي
اعوذ بالله من الشيطان الرجيم
وتعاونوا على البر والتقوى ولا تعاونوا على الاثم والعدوان
تحية طيبة لكل المشاركين بالمنتدى
وشكر خاص للاستاذ ايمن لما يقدمه من اقتراحات جميلة
موضوع جميل بس الاهم هو التنفيذ احنا عاوزين نطلع من دائرة الاقتراح فقط الى دائرة الاقتراح مع سرعة التنفيذ
حتى نصل الى ما ينبغي الوصول اليه الا وهو الوصول بالبلدة الى الرقي لكي تكون القرية النموزجية فعلا انا عندي كام اقتراح احب اشارك بهم
الاقتراح الاول - ان يكون هناك بالمنتدى صفحة خاصة بعنوان لوحة شرف يتم كتابة فيها اسماء افضل الاعضاء الذين قدموا افضل اقتراحات يستفاد منها
خلال مدة معينة ولتكن اسبوعية
وممكن ايضا بعد مرور عدة اشهر وليكن 3 شهور يتم اختيار افضل الاعضاء من خلال لوحة الشرف الاسبوعية
يتم وضعهم تحت اسم معين يتم الرجوع اليهم عند تنفيذ اقتراح معين او اتخاذ قرار معين من الادارة اي ابداء رأيهم في موضوع ما
وهذا الاقتراح وضع ليزيد من حماس كل عضو لتقديم كل ما هو جديد ومفيد ويكون اسم هذا البند مثلا هو علو الهمة
زي الاستاذ ايمن كدة
الاقتراح الثاني - اضافة الى اقتراح الاستاذ ايمن وهو كل شخص مش عضو بس سواء كان رجل او امرأة عنده ملابس او اي شئ اخر مستغني عنه
او لا يستفيد منه يطلعه للفقراء والمحتاجين يتم تسليمه لاشخاص معينة او للجمعية الخيرية المهم انها تصل مشم مهم مين يستلمها
ويكون هناك ايضا يوم محدد يكون قبل العيدين لو في ملابس جديدة يتم تسليمها في هذا اليوم وطبعا قبل الشتاء لو في بطاطين مثلا وخلافه
وشكرا لكم ولكل من يشارك بصدق
نصيحة غالية - كونوا عباد الله اخوانا
وجزاكم الله خيرا
اخوكم ابو يس

اللهم صلى وسلم على سيدنا محمد بن عبد الله وعلى آله وصحبه وعلى المعترفين بها اياه.

اخواني وأخواتي الأحباء

السلام عليكم ورحمة الله تعالى وبركاته

وبعد .. لقد انعم الله تعالى على خلقه بشتى النعم التي لا تحصى ولا تعد ،وسخر لنا ما في السماوات والأرض جميعا منه ،

وجعل بعضنا فوق بعض درجات ،ومن وسائل التسخيرهو هذه الأدوات والآلات ،للاتصال والتواصل ،

المباشر والغير المباشر بيننا.

وارتفاع الدرجات هو ان الله سبحانه جعلنا نأخذ العلم ،والمعرفة ،والفائدة من بعضنا البعض ،

،
ولهذا وجب علينا بصفتنا اخوان في خليقة الطين ومتفرقين في الدين ،ان نسأل ونتسائل

ونتشاو ربالنصيحة في كل امر دنيوي وديني بالعزم والتوكل على الله تعالى

دمتم بود وأصلح الله شئونكم كلها
ان شاء الله

ونبدأ النقاش

بسم الله الرحمن الرحيم
السلام عليكم ورحة الله وبركاته
جزاكم الله خيرا

بسم الله الرحمن الرحيم
فين الشباب ياريت كان العدد كمل 10 بس
يا جماعة شدو حيلكم

كلام جميل يا جماعة بس يا ريت دلوقت نتكلم فى الموضو اللى إحنا متجمعين علشانوا وهوا مجلس إدارة للمنتدى وصندوق لمجلس الإدارة دا ويا ريت كلنا نتفق على إن الموضوع دا جميل ولازم كلنا نبدا فى تنفيذوا
وشكراً لتواجدكم جميعاً

السلام عليكم وحمة الله وبركاته علمت الميعاد واشتقت الي التواجد ضمن تلك الحلقة التي توقتعها حلقة رائعة واعاقتني المواصلات وتاخرت علي موعد البدء وتورترت لذلك التأخير لتوقعي ان اللقاء فاتني وفاتني حلاوته وسريعا حيث تملك من النت حتي طرقت تلك الصفحه من قائمتي المفضله واذا بحسرة تنتابني فلا اجد احد سوي صاحب الفكرة ومعه من توتر لاعاقة المواصلات له من اللحاق بالحلقه من اولها لكن تقريبا الحلقة مش جايه النهارده امال عند الدفع هنعمل ايه طيب قله الحضور عند التصويت لا بصراحه وضحت نتيجه التصويت

يا عم ايهاب خليكى متفائل خيرااااااااااااااااااااااااااااااااااااااااااااااا
ان شاء الله

اتأسف للاخوة الحضور وارحب بهم جميعا بس يااستاذ ايمن لازم نحترم المواعيد عندنا دوام الصبح ولا ايه

وعليكم السلام ورحمه الله وبركته

يا ريت يا عم محسن انت والاستاذ ابو حسن سنجر تكتبو النقاط اللى حنتكلم فيها

يا جماعة ممكن نتناول الموضوع إحنا بينا وبين بعض إلى دخول باقى الأعضاء

ما أحوجنا ونحن في هذا الزمن، زمن الهزائم والانكسارات والجراحات إلى تعلم فن صناعة الأمل
فمع الألم يصنع الأمل،

الجمعية العمومية
عدد اعضاء مجلس الادارة
عدد الاعضاء من المنتدى
وعدد الاعضاء من البلد

سلام عليكم
حاضر ياعم ايمن بس احب ارحب بالاخوه والاخوات الفاضلات ونحب نشوف منهم موضيع فعاله وملموسه بجد وربنا يعني واياهم علي تنفيز تلك المشارع العاله
التي تعمل علي نمو وتقدم قريتنا الغاليه

وعليكم السلام ورحمة الله وبركاتة

ياريت يمهندس الفكرة لس فى بدايتة مش تموتة من اول مساهمة

يلا ياستاذ ايمن بما انك صاحب الموضوع تدرج النقاط الرئيسية او الاستاذ محسن

انتو اصحاب والداخل بينكم ......................

توكلنا على الله

انا بقترح يكون عدد مجلس الادارة 9
3 من البلد والباقى من المنتدى

خلينا نرشح التلاتة اللى من الخارج

بداية عشان نتفق عليهم

كل واحد يرشح ثلاث شخصيات

كلام جميل
جداً ويا ريت نبدأ برئيس مجلس الإدارة يكون مين ويا ريت حضرتك اللى تختار يا أستاذ أيمن

الأستاذ أـيمن قصدوا ثلاثة أشخاص من البلده ومن خارج من المنتدى أما الباقى هيكون من المنتدى سواء من الخارج أو من البلد

الاستاذ فتحي ابو السيد

نبيل ابو حسن عبد الكريم

الاستاذ السيد طعيمة

ارشح رئيس مجلس الادارة عمو الاستاذ فتحي السيد والاستاذ محمدحسن مدرس الرياضيات والاستاذ حسام جميل سنجر

ما انا اقصدى التلاتة اللى من خارج المنتدى يأستاذ محمد

واسمحوا لي بتلك المداخله ولو كان القدر يجمعه بنا الان لكنت رشحته بمجرد طرح الترشيح وهو المرحوم العبد لله (السيد العايدي )رحمه الله والمناسبه اليوم متمم سنتان علي رحيله اسألكم الدعاء له ولكني اراه عندما اري الاستاذ فتحي السيد

انا موافق علي الاستاذ فتحي

يا جماعة إحنا نسينا شخصية ممتازة جداً وهوا من وجه نظرى أصلح شخصيه لتكون رئيس مجلس الإدارة وهو الأستاذ

إمام عبد المعز

ويا ريت يا جماعة يوافق

الاستاذ فتحي والاستاذ مصطفي مدير مدرسه الثانويه والاستاذ نبيل حسن

والأستاذ فتحى أبو السيد رجل فاضل من خيارات البلد ونتمنى أن يكون من أعضاء مجلس إدارة المنتدى

» لازم نعمل شئ ملموس كفينا كلام وقهر نفوس.............!
» كلام من اروع ما يكون ولكنه احساس مش كلام
» احلى كلام فى الحب كلام من القلب للقلب
» بنصف ليمونة نعمل العجائب
» مطلوب تغير وبعدين نقول نعمل مجلة