لازم نعمل شئ ملموس كفينا كلام وقهر نفوس

انا بنقل اعتذار السيد محسن ابو عبد الفتاح
النت فصل من عنده

البقاء لله يمهندس تعيش وتفتكر

انا ارشح

الاستاذ مصطفى طنطاوى

الاستاذ السيد ابو طعيمة

والحاج فتحى عشان مش يزعل يقول الواد مش رشحنى بعدا يطرنى من البيت ـــــــــــــــههههههههههههههههههههههههههه

إيه يا جماعة سكتوا ليه محدش قال رأيوا ليه ؟

احنا متفقين علي واحد الي هو الاستاذ فتحي شوفو البقي

المهم دلوقتى نتفق على تلاتة الاول نكون كلنا متفقين عليهم

وغير كدة لازم نعمل حسابنا يكون معانا خيار رابع لان ممكن واحد من التلاتة مش يرضى يكون معانا له حرية الاختيار

صح
كلامك يا ابو حميد

وارجوك لو انا اطلعت ابقى تقبلى اعتذارى هيبقى من النت برضو الواحد مش ضمان

والاستاذ محمد موجود اااااه انا مش عندى امل ممكن يقطع فى اى وقت

أنا برشح الأستاذ مصطفى طنطاوى والأستاذ إمام عبد المعز واحد منهم يكون رئيس مجلس الإدارة

احينا معاك ياستاذ محمد بس انا والله مش اعرف

الاستاذ امام عبد المعز

الاستاذ فتحي السيد
نبيل حسن
الشيخ عبدالبصير عبدالمنعم محمود

مش اختلفنا دلوقتى فى رئاسة مجلس الادارة المهم نتفق

على التلاتة الاساسين يأستاذ محمد

وبعدا احينا مع الاغلبية فى اى شى

كدة كل واحد رشح تلاتة

انا والله سعيد جدا بالشارك اليوم معانا

وممكن نضع كل الاسماء اللى تم اختيارة ونفتح باب التصويت عليها فى المنتدى

عشان يكون عندنا اكبر نسبة تصويت

اولا : الاستاذ فتحي ابو السيد

ثانيا : الاستاذ إمام عبد المعز

ثالثا : الاستاذ محمد ابو حسن مدرس الرياضيات

رابعا : الاستاذ نبيل حسن

خامسا : الاستاذ سيد ابو طعيمة

سادسا: مصطفى ابو طنطاوي
سابعا : الاستاذ حسام جميل
ثامنا : الشيخ عبدالبصير ابو عبد المنعم

المفروض الاستاذ ايمن يدخل باتلاته الكل رشح دلوقتي
والمفروض انتا خدت كلو

بس برضو ياستأذ ايمن احينا عايزين نتفق على التلاتة الاساسين

وبعد كدة الرئاسة نبقى نعمل تصويت اوك

احينا ممكن نرتب الاسماء

حسب اختيار كل شخص

اكتر اسم
واللى بعدة وكدة

عشان نحدد بس التلاتة اللى هنستقر عليهم

مش معقول النهاردة مش نتفق على تلاتة حتى فى اجتماعنا دة

انا معاك يا احمد بس مش تنسى ان احنا 7 اشخاص
يعنى مش مكملين ثلاثة فى المية من الاعضاء ولازم الجمعية العمومية تكون اكتر من 25 % من الاعضاء

اية يجماعة فنيكو

يعنى لو اتفقنا على تلاتة النهاردة ممكن نعمل موضوع تصويت للاسبوع القادم

على الرئاسة بين الثلاث اشخاص

عشان اجتماعنا القادم يكون اتفقنا على التلاتة واتحددت الرئاسة من خلال التصويت

ولا ايه رأيكم يجماعة

لا مكلمين مش تبص يأستاذ ايمن على الاعضاء ولكن بصو للسبعة وبصو لاكثر تواجد كان على المنتدى

عشرة اشخاص

وبعدا احينا عملنا دعوة عامة

واحينا يأستاذ ايمن مش عايزين الموضوع يموت بين ايدينا من كتر التأخير

يا استاذ ايمن مفيش جديه شويه من الباقي وبعدين ممكن فيه اعضاء عندهم ظروف وفيه مستهترين فلازم نقرر

انا متفق مع الاخ محمد منصور

ايه يجماعة مش بتشاركونا الرأى ما تعملو رفرش للصفحة على طول وتابعونا

انا اكتر واحد اتمنى ان القرار يكون اليوم
ولكن لازم نتفق ان فية شروط معينة لاتخاذ القرار

انا لا انفي اراء الاعضاء الباقين ولاكن انا بنوه بس
وفي منهم صغار السن يعني احنا عوزين النضجين منهم هما الي يصوتو
فكان لازم يكون فيه عدد كافي من الاخوه
علي شان الموضوع ياخد حجمو الحقيقي

إحنا متفقين على الأستاذ مصطفى أبو طنطاوى والأستاذ فتحى
وأنا بقول نضيف ليهم الأستاذ إمام عبد المعز يا جماعة يا ريت حد يقولى موافقين على الأستاذ إمام ولا نستبعد إسموا من القائمة

كلامك مظبوظ يا عم محمد ابو منصور

بس لازم يكون عندنا اكتر من رأي

يا محمد المشكله مش في الاستاذ امام او الموفقه عليه ده ترشيح من حضرتك فلازم يتأخد ضمن التصويت
الي حيتعمل

تمام بس دلوقت احنا وصلنا الى 2 فقط مين الثالث

السلام عليكم ورحمة الله وبركاتة

بدأية

احب اشكر كل من أتى وشارك معانا

ولكن انشاء الله سوف نستكمل موضوعنا يوم الجمعة القادمة فى نفس الموعد بأذن الله

لكى يسطيع من كل من اعاقتة الظروف فى التواجد ان يكون معانا

انشاء الله احينا كنا فى البداية 7

انشاء الله الاسبوع القادم نتمنى يكون اكثر واكثر

والله الموفق

وبعدين احنا رشحنا 6 من خارج المنتدي وانا رايي انهم كلهم اهل ثقه واحترام ومحدش يختلف عليهم اعمل تصويط ليهم يا احمد ونشوف اكبر صوت مينمن السته
ياخد مجلس الاداره والي يليه والي يليه

تمام كدا إحنا كدا تمام ويا ريت نكمل

تمام كلامك يا عم محمد ابو منصور
بس بعد اذن حضرتك نكرر الاجتماع تانى يوم الجمعة القادم
عشان اكبر عدد من الاعضاء يشارك
وان شاء الله السبت اللى بعد الجمعة نفتح باب التصويت

انا مرشح الفكرة معاكم يا جماعة وارشح الاستاذ وليد عبد الفتاح لانه من الشخصيات المحترمة والامينة في قرية الصوالح

بسم الله الرحمن الرحيم
اولا اشكر الجميع علي التفاعل واحب اقول ان العدد اللي كان موجود فيه البركة وربنا يرحم الاستاذ سيد العايدي
الترشيح الخاص بي
الاستاذ امام عبدالمعز رئيسا
الاستاذ فتحي السيد رئيس تنفيذي ونائب الرئيس
الاستاذ وليد عبدالفتاح امين صندوق
اما الاستاذ سيد ابراهيم طعيمة والاستاذ نبيل حسن والاستاذ حسام جميل والاستاذ مصطفي طنطاوي اكيد مش حيتاخرو في عمل اي خير من غير ما يكونو في مجلس الادارة الخاص بالمنتدي
بس ياريت كنا نحدد الاهم هو اهداف الجمعية الخاصة بالمنتدي
يا جماعة مش عايزينها حاجة عادية يعني مش تدي ناس فلوس وبس
انا اقترح ان هي تكون لتسليف مبالغ لا تزيد عن 5 الاف واجبة الرد بمعني لو وجدت سيدة ارملة مثلا تحتاج المساعدة فالافضل ان نساعدها في بدء عمل خاص بها بهذا المبلغ خيرا من ان نعطيها مبلغ شهري بحيث تحدث دورة كاملة لرأس مال الجمعية ان شاء الله ويستفيد اكبر عدد ممكن وناخد قياس علي ذلك في كل الامور
في حالة عدم رغبة الاستاذ امام عبدالمعز في الترشيح او قبول الترشيح
ارجو استبداله بالاستاذ مصطفي طنطاوي
انا عارف الاستاذ فتحي بيعمل الحاجات دي من غير منتدي ومن غير جمعيات وعارف ان المناصب مش مهمة بالنسبة له والاهم هو التقدير ويكفي والحمد لله شبه الاجماع علي شخصه الكريم
ولكم جزيل الشكر

بسم الله الرحمن الرحيم
أولا : شكر خاص الى جميع اعضاء المنتدى والمشاركين في المنتدى
ثانيا : الرجاء تكليف الاستاذ فتحي السيد بطلب مشاركة كل من
1- الاستاذ مصطفى على الطنطاوي
2- الاستاذ على محمد ( ابو خريبة )
3- الاستاذ ابراهيم دهشان
لان هؤلاء الناس اساتذه في صنع القرار
ولازم نستعين بهم لانهم اساتذه ذو خبرة بناءة

كلامك جميل يا أستاذ على وضفنا ليهم كمان اتنين من خيرة أهل البلد وشخصيات لها أرائها البنائة فى البلد

السلام عليكم ورحمه الله وبركاتة
طبعا انا تاخرت وكان المفروض اشارك معاكم بالحوار فى الموضوع دا يوم الجمعه ولكن بسبب ظروف خاصه حدثت فجأة فتغيبت عن الحوار
ولكن لى رأى يقبل الرفض ويقبل القبول
من حيث الادارة على المشروع المقام فهو من اجل الخير وللخير فقط
فقط ارشح لرأسه الجمعه الاول
1_ الاستاذ فتحى السيد
2_ الاستاذ مصطفى طنطاوى
3_ الاستاذ سيد طعيمه
هؤلاء رجال كل هدفهم الاول هم المصلحه العامه لكل البلد فهم دائما يسعوا لفعل الخير من اجل الخير فقط
اما بالنسبه للاستاذ | إمام عبد المعز فهو شخصيه محترمه واكن لها كل الاحترام والتقدير ولكن اسمحوا لى باستبعادة من قائمه المرشحين للمنصب فى الجمعيه ودا مش على شان اى شىء او هو يعنى مش بيسعى لفعل الخير لسمح الله ، لا طبعا هو من الشخصيات الى قولت قبل كدا هو شخصيه محترمه واكن لها كل احترام ولكن يوجد من هم ما شاء الله على الاتزان والتفاعل والسعى الرائع وسبق وكنت قدمت اسماؤهم لانهم اصغر سنا وعلما ما شاء الله انارة وتتطلع واخذ القرارات الحكيمه
ان شاء الله اذا ربى اراد اقدر اتواصل معكم فى المرة المقبله ونتناول الرأى فى كل الحيثيات المتاحه لفعل وبذل ما نستطيع ان نفعله اولا للخير لكل الناس
وفقكم الله جميعا ورزقنا الحسنات ونلنا الاجر من رب العباد
شكرا لكم جميعا
وسلام الله عليكم ورحمه وبركاتة

يا جماعة ياريت مننساش الدكتور جميل يحيي والاستاذ فتحي الفرماوي

بسم الله الرحمن الرحيم
السلام عليكم ورحمة الله وبركاته
انا اعتقد ان اللى احنا فى دلوقتى شئ اكتر من ممتاز لان النقاش على قدر كبير من الفكر والديمقراطية وان اكثر افكار اعضاء المنتدى متشابه الى حد كبير لأن كل الاشخاص اللى تم اختيارها كلهم اهل ثقة نحسبهم عند الله كذلك ولا نذكى على الله احد وان شاء الله يكون هناك اسماء اكتر واكتر لان ده دليل على ان البلد الصوالح فيها اشخاص على قدر عالى من الاحترام وحب الناس ودى الاسماء اللى تمت اختيارها
ـ 1 ـ الاستاذ/ إمام عبد المعز
ـ 2 ـ الاستاذ/ مصطفى طنطاوى
ـ3 ـ الاستاذ/ ابراهيم دهشان
ـ 4 ـ الاستاذ/ فتحي السيد
ـ 5 ـ الاستاذ/ على محمد ( ابو خريبة )ـ
ـ 6 ـ الاستاذ/ محمد حسن الزقردي مدرس الرياضيات
ـ 7 ـ الشيخ / عبدالبصير عبد المنعم
ـ 8 ـ الدكتور / جميل يحيى
ـ 9 ـ الاستاذ/ فتحي الفرماوي
ـ 10 ـ الاستاذ/ السيد طعيمة
ـ 11 ـ الاستاذ/ نبيل حسن عبد الكريم
ـ 12 ـ الاستاذ/ حسام جميل
ـ 13 ـ الاستاذ/ وليد عبد الفتاح

ووفقكم الله فيما يحبه ويرضاه

بس ياريت يجماعة نكون متواجدين يوم الجمعة

حتى يكون النقاش مباشرة بيننا

ونأخذ القرار السليم بأذن الله

ياريت نتيجة مباراة الاهلي والزمالك متأثرش علي الحضور

يا جماعة يا ريت نحط الأسماء دى فى ترشيح علشان نشوف مين فيهم يكون رئيس مجلس الإدارة واللى بعده يكون نائب الرئيس واللى بعد أمين الصندوق أرشح يكون فى إتنين مسئولين على الصندوق وإن شاء الله الماتش ميكنش ليه أى تأثير ويا ريت الكل يتواصل معنا فى هذا الموضوع

صح كلمكو ممكن المباره تغطي علي الاجتماع

محدش وصل ولا ايه

السلام عليكم ورحمه الله وبركته جايب ليكو الدكتور خالد سعيد فنرحب بيه وهو مؤيد الفكره بشده لما حكتلو عليه

ايه الشباب موصلش ولا ايه

بارك الله فيك يا عبقرينو بس لازم تاخذ في الحسبان الجهات الامنيه اولا
ولا ايه

هو علي شان ايمن مجاش ولا حد من الناس يبقه احنا نسكت لا ممكن الناس عنده ظروف
لازم يكون عندنا حماس عن كدا شويه
انا مش عارف ليه البرود ده لازم يكون عندنا شويه اهتمام
مش بالطريقه دي
احنا بنحتضر ولا ايه مينفعش مينفعش كدا ابدا

الترشيح بتاعي
الدكتور جميل يحيي
الاستاذ فتحي الفرماوي
الاستاذ وليد عبدالفتاح

بسم الله الرحمن الرحيم
ارشح الاستاذ احمد عبدالله الزيناتي
الاستاذ فتحي السيد اسماعيل
الاستاذ وليد عبدالفتاح

» لازم نعمل شئ ملموس كفينا كلام وقهر نفوس.............!
» كلام من اروع ما يكون ولكنه احساس مش كلام
» احلى كلام فى الحب كلام من القلب للقلب
» بنصف ليمونة نعمل العجائب
» مطلوب تغير وبعدين نقول نعمل مجلة