اقتراحات صوالحي

بسم الله الرحمن الرحيم
يا جماعة بما إننا كلنا والحمد لله صوالحية ومسلمين والحمد لله فيه شوية اقتراحات لتفعيل دور المنتدي في المجتمع الصوالحي الصغير حتي لا نصبح قرية غافلة كما وصفها الاستاذ / محمد عتريس في كتابه بعنوان قرية غافلة وللامانة لم يفتر الرجل علي القرية . ايه رايكم نخليها قرية فاعلة قرية عاملة مش حطول عليكم حديلكم بعض الاقتراحات ومحدش يقدر يعملها غير الشباب اللي زي الفل اعضاء المنتدي

اولا : - شجرة عائلات البلدة ياريت كل عضو يحاول يعرف شجرة العيلة بتاعته وياريت يا استاذ احمد فتحي ابو فندقة علي فكرة فندقة دي اسم عيلة احمد ابو فتحي الادمن ياريت يكون في كل بروفايل اي عضو شجرة العيلة الخاصة بيه كده نعرف بعض اكتر ونتعرف علي بعض اكتر.
ثانيا : - دليل تليفونات البلدة علي المنتدي يعني اي حد بدل ما يدور ويلف ويتعب يدخل المنتدي ويلاقي كل اللي بدور عليه وخصوصا ارقام تليفونات الدكاترة والاجزاخانات والخدمات اللي بتحتاجها الناس في حالة الطوارئ
ثالثا : ياريت اعضاء المنتدي يفكرو يشهرو المنتدي كجمعية عاملة لها مؤسسين واعضاء ومجلس ادارة واوعدك بإذن الله ان انا مستعد لتحمل التكاليف حتي تري هذه الجمعية النور .
رابعا : عرض الحالات الانسانية لاهل القرية علي المنتدي عشان بلدياتنا اللي مقتدرين يقدرو يساعدو المحتاج وربنا يجعلو في ميزان حسنات الجميع
خامسا ياريت الاصدارات والمواضيع المهمة اللي بتتناقش في المنتدي يتعمل ليها اصدار اسبوعي علي شكل مجلة اسبوعية سواء مجلة حائط او مجلة فقط من اربع صفحات وممكن تغطية تكلفتها ان شاء الله لان الموضوع بسيط
كفاية عليكم كده المرة دي وانا عن نفسي ان شاء الله المرة الجاية حدخل ومعايا شجرة العيلة كاملة بس ياريت حد يساعدني الاول ويقولي اسم عيلتنا ايه ؟؟؟؟؟

اخوكم صوالحي رقم 1

والله ياكابتن انا معاك فى كل اللى بتقولو
بس ممكن تعرفنا بنفسك الاول

السلام عليكم ورحمه الله وبركاتة
اهلا بك اخى الصوالحى
اقتراحات لا بأس بها قابله للنقض نوعا ما
عن نفسى انا صوالحيه ومش ممكن اكشف عن نفسى هنا بالمنتدى وطبعا انت والكل عارفين ليه
اما عن كل الشباب الموجودين دا مش حيكون صعب عليهم ذكر اسماء العيله
فربنا معاكم
بس زى ما انت ذكرت لقب عيله الاخ احمد ياريت تذكر او تدخل باسمك على شان الكل يتواصل معاك
مع تحياتى

اخى الكريم حياك الله
انا معا فى رأيك وبالنسبه لشجره العائله دى انا ممكن اعملها ومش حتكلفنى حاجه

بس انته اهه واحد من الناس داخل باسم صوالحى رقم واحد
مع كامل احترامى للجميع
ودى بيكون فيها شويه احراج انا ممكن اعملها وحتكون عباره عن صندوق اسفل البيانات الشخصيه
والصندوق ده ممكن تكتب بيه اللى حضرتك عايزه
شجرتك خاطره عنك اى حاجه اخى الكريم لو حتى كل يوم حديث شريف وفضله تذكر اخوانك بيك
عندك فى النظام المطور حائط التعاليق او
my sms
تقدر تكتب قيه وممكن تكون جماه من الاصدقاء عبر المنتدى تتعرفوا ونحن نرحب بالتعارف مادام فى اطار القوانين وليس من شأنه اغضاب الاخرين
ادخل للبيانات الشخصيه
اما بالنسبه للدليل ان شاء الله عندنا على الاجهزه وننزله بالقريب العاجل
اما بالنسبه للحالات الاصه دى انا ارحب بأى خدمه واى مساعده لاى شخص من الصوالح سواء اكان قيب او بعيد
ونحن هنا لا يهمنا سوى خدمه اهل بلدنا الحبيبه
واى حاله ممكن تتقدم اليا ونا بعلن عن نفسى لخدمه بلدى احمد الزين او اى اخ من الاخوه الافاضل بالاداره او حد له
صله بالمنتدى يقدر يوصل المعلومه
حتى تصل الاشياء سواء اكانت مساعدات او غيرها لمستحقيها
اما بالنسبه للمجله ممكن نناقش الاعضاء فيها وحنختا افضل الموضوعات بالمنتدى لتصدر باسم اصحابها

انتظر ردود بقيه الاخوه

المدير العام

صوالحي رقم (1) كتب:: بسم الله الرحمن الرحيم
يا جماعة بما إننا كلنا والحمد لله صوالحية ومسلمين والحمد لله
شرف لاى شخص

فيه شوية اقتراحات لتفعيل دور المنتدي في المجتمع الصوالحي الصغير
اتفضل

حتي لا نصبح قرية غافلة كما وصفها الاستاذ / محمد عتريس في كتابه بعنوان قرية غافلة وللامانة لم يفتر الرجل علي القرية
دا مجرد رأيه الشخصى ممكن تأيدة وممكن ترفضه

. ايه رايكم نخليها قرية فاعلة قرية عاملة مش حطول عليكم حديلكم بعض الاقتراحات ومحدش يقدر يعملها غير الشباب اللي زي الفل اعضاء المنتدي
اتفضل اقترح

اولا : - شجرة عائلات البلدة ياريت كل عضو يحاول يعرف شجرة العيلة بتاعته وياريت يا استاذ احمد فتحي ابو فندقة علي فكرة فندقة دي اسم عيلة احمد ابو فتحي
شرف ليا أولا انى اكون من عيله فندقه وطبعا بما انك ذكرت لقب العيله تقدر تعرف انهم كلهم بدون استثناء ناس محترمه وعلى خلق

الادمن ياريت يكون في كل بروفايل اي عضو شجرة العيلة الخاصة بيه كده نعرف بعض اكتر ونتعرف علي بعض اكتر
طبعا كل شخص له الحريه فى هذه النقطه وله الحريه فى التعبير عن شخصه وعائلته وكل شخص يود ان يذكر معلومات عن هذه النقطه فمشكور كما وضح الادمن
ولكنى يوقفنى هنا استفسار منك : كيف تود ان كل شخص يذكر عائلته وحضرتك عندما سجلت بالمنتدى سجلت تحت اسم (صوالحى رقم (1) . وطبعا لك حريه الاختيار طيب وليه حضرتك لم تسجل باسمك الحقيقى، فمعظم الاعضاء مسجلين باسماؤهم الحقيقيه ، وان كان بعض الاعضاء مسجلين تحت اسماء كوديه او رمزيه فكلهم معروفين بالنسبه لنا وبلدنا زى ما حضرتك عارف الكل عارف بعضه
بالنسبه للقتراح الى انت مقدمه بدل ما تبدأ بعالتى(ولى الشرف طبعا ان تكون عائتى بالمقدمه)
كان من الاولى انك تبدأ بنفسك
كما قال العلماء ابدأ بنفسك
.
ثانيا : - دليل تليفونات البلدة علي المنتدي يعني اي حد بدل ما يدور ويلف ويتعب يدخل المنتدي ويلاقي كل اللي بدور عليه وخصوصا ارقام تليفونات الدكاترة والاجزاخانات والخدمات اللي بتحتاجها الناس في حالة الطوارئ
فكرة كويسه وجميله وان شاء الله تنفذ قريبا
ولكن ملحوظه : ما فى استطاعتنا سوف نقوم برفع دليل تليفونات الصوالح على المنتدى ويمكنك تحميله والاحتفاظ به على جهازك الخاص

ثالثا : ياريت اعضاء المنتدي يفكرو يشهرو المنتدي كجمعية عاملة لها مؤسسين واعضاء ومجلس ادارة واوعدك بإذن الله ان انا مستعد لتحمل التكاليف حتي تري هذه الجمعية النور
فكرة جميله ولكنها مؤجله حالياً
مع العلم ان المنتدى فى مراحله الاوليه ويعتبر ما اداه المنتدى فى الحضور والتفاعل فى هذه الفترة الوجيزة اكثر من المتوقع
بالنسبه لكلام حضرتك فى تحمل التكاليف فكان من الاولى لو حضرتك تنوى التغيير بجد كنت على الاقل قمت بالاتصال مع الادارة والمتابعه معهم

رابعا : عرض الحالات الانسانية لاهل القرية علي المنتدي عشان بلدياتنا اللي مقتدرين يقدرو يساعدو المحتاج وربنا يجعلو في ميزان حسنات الجميع
قكرة جميله ولكن لا اعتقد نجاحها الان مع هذا الكم الضئيل من التفاعل ولكن اوعدك بتنفيذ هذه الفكرة عندما تتاح لها الفرصه فى الانتشار
قد ذكر النبي أن من السبعة الذين يظلهم الله في ظله يوم لا ظل إلا ظله: { رجل تصدق بصدقة فأخفاها، حتى لا تعلم شماله ما تنفق يمينه } في الصحيحين .

( من فك كربة لاخيه في الدنيا فك الله له كربة يوم القيامه )

خامسا ياريت الاصدارات والمواضيع المهمة اللي بتتناقش في المنتدي يتعمل ليها اصدار اسبوعي علي شكل مجلة اسبوعية سواء مجلة حائط او مجلة فقط من اربع صفحات وممكن تغطية تكلفتها ان شاء الله لان الموضوع بسيط
اقتراح جميل وانا معاك يا اخى

كفاية عليكم كده المرة دي وانا عن نفسي ان شاء الله المرة الجاية حدخل ومعايا شجرة العيلة كاملة بس ياريت حد يساعدني الاول ويقولي اسم عيلتنا ايه ؟؟؟؟؟
حنتشرف بعائلتك الكريمه واوعدك اقولك اسم عائلتك
ويارت تدخل باسم حضرتك المرة القادمة
واخمن حضرتك تكون من عائلة
الارقام
ههههههههههههههه

اخوكم صوالحي رقم 1

اهلا بيك فى منتدى الصوالح
اللى بيرفع شعار
عايزين نغير بجد
كلنا بنحب بلدنا

الادارة

ياجماعة شكرا لكل اللي ردو وعموما يا ابو حميد انا كمان فندقة بس انت مخدتش بالك والاخت اللي قالت انها صعب انها تكشف عن نفسها اكيد عندها حق وانا لما كتبت شجرة العائلة كان هدفي ان احنا نعرف اصولنا وجذورنا مش اكتر لو سألت اي واحد فيكم عن اسمو بالكامل اتحدي لو جاب اكتر من الجد الرابع واتحدي اكتر لو عرف اصل عيلتو من اي بلد
المهم يا جماعة انا كمان فندقة يا ابو حميد وسال بابا حيقولك ان احنا ولاد عم

على العموم يا اخونا الكريم انته مشرفنا ويظهر ابوحميد مخدش باله من كلامك

ياريت لو تشرفنا هنا
https://sawaleh.yoo7.com/montada-f1/

ده قسم الترحيب بالاعضاء الجدد

يسلام لو تعرفنا بشخصك الكريم علشان انا نفسى اتعرف عليك

شكرا الك

صوالحي رقم (1) كتب:: ياجماعة شكرا لكل اللي ردو وعموما يا ابو حميد انا كمان فندقة بس انت مخدتش بالك والاخت اللي قالت انها صعب انها تكشف عن نفسها اكيد عندها حق وانا لما كتبت شجرة العائلة كان هدفي ان احنا نعرف اصولنا وجذورنا مش اكتر لو سألت اي واحد فيكم عن اسمو بالكامل اتحدي لو جاب اكتر من الجد الرابع واتحدي اكتر لو عرف اصل عيلتو من اي بلد
المهم يا جماعة انا كمان فندقة يا ابو حميد وسال بابا حيقولك ان احنا ولاد عم

[b]

انت قولت كبير الفنادقة يعم محسن ومش ترجع فى كلامك

[/b]

اتحدك انا يعم محسن اقوللك اسمى

احمد فتحى السيد اسماعيل عبدالفتاح حسين عبدالله

وانت فندقة لو عرفت تكمل بعد كدة كمل

[[b]center]طبعا غير لقب العائلة (فندقة)[/center][/b]

بس ممكن تعرفنا بيك اكتر يا استاذ محسن
ياريت يعني
يعني تقول اسمك الرباعي بس
مش هنقولك قول شجرة العيلة

بسم الله الرحمن الرحيم
ماشي يا استاذ حمود حقولك اسمي الرباعي علي الرغم من انك اكتر واحد في الدنيا تعرفني كويس بص بقي يا سيدي انا محسن عبدالفتاح حسين اسماعيل عبدالفتاح حسين عبداله واسال احمد ابو فتحي علي الباقي انا اخري وقف هنا

هو اخر اسمك عبد اله
ولا عبد الله
وكنت عاوز اسأل الصوالحى رقم واحد هو موبيلك لسة نفس الرقم اللى اوله
0097
ولا غيرته
اخوك ايمن

لسه زي ما هو يا استاذ ايمن
009715096566 بس كده ناقص رقمين نخليهم عشان السرية

باقى رقمين ولا رقم واحد

رقمين والله بس انت ايمن مين ؟؟؟؟؟؟؟؟؟؟؟؟؟؟

ايوة انا عارف بس هو رقم واحد قايم بدورين
ووالالاالال بتقول يا رب

كده اكيد انت ايمن عبدالبصير طالما عارف الرقم

يا عم محسن انا مؤمن بشئ ايمان قوى قوى قوى جدا
وهو ان مفيش حاجة فى الدنيا مطلقة اقصد يا ريت مش تقول ان انت متأكد من حاجة انت مش متاكد منها
قول حتى 70 او 80 فى المية بلاش اكيد

طبعا تأكيد ان مافيش مطلق في الحياة بس فيه بوادر وعلامات وانت علاماتك ما شلء الله عدت 300 %

الظاهر ان احنا حناخد المنتدى لحسابنا اليوم ولا اية رايك

عادي انا فاضي
وانت اخبارك ايه؟

يا ريت تأخدو ايميلات بعض احسن

يا عم محمد ابو منصور عرفنا بعض ومعان التليفونات ولسه متكلمين في التليفون

اصلكو قلبتوه شات يا عم محسن مينفعش يا باشا فيه قسم لكدا وانا اسف ان كونت بنوه لده محنا عرفين ايمن مين وانتا يعني متخفي يا شيخ ايمن ازيك واخبار المدينه ايه

يا عم حقك عليا بس انا مكنتش عارف ايمن مين؟
وعموما انت عندك حق

صوالحي رقم (1) كتب:: بسم الله الرحمن الرحيم
ماشي يا استاذ حمود حقولك اسمي الرباعي علي الرغم من انك اكتر واحد في الدنيا تعرفني كويس بص بقي يا سيدي انا محسن عبدالفتاح حسين اسماعيل عبدالفتاح حسين عبداله واسال احمد ابو فتحي علي الباقي انا اخري وقف هنا

مااااااااااااشى يحمود واقول ليك هو يحمود انت قولت لية على المتدى عشان اتأكد تقول لا ماااااااااااشى يحمود براحتك

نجارين بلدنا الشطار كتب:: يا ريت تأخدو ايميلات بعض احسن

مشكووووووووووور اخ محمد منصور على دخوللك المناسب يباشا
عشان الحافظ على شكل الموضوع بس حتى يستطيع المتصفح تصفح الموضوع بالكامل مش يقول عاملين يسلمو على بعض

صحيح خدو اميلات بعض احسن

بسم الله الرحمن الرحيم
السلام عليكم ورحمة الله وبركاته
الاخوة الاعزاء يا ريت تقبلو اعتذاري ولكن انتو مش عارفين ان الاخ محسن عزيز على قد اية وانا بعتبرة قدوة لى فعلا للانه انسان ناضج جدا فى تفكيره ومن الشخصيات اللى اتربت على ايد الاستاذ إمام طبعا عرفين الاستاذ إمام عبد المعز
وبعدين كان قائد على وانا كنت فى المتقدم تبع الكشافة يترى عرفين الكشافة ولا انسوتوها خلاص للاسف الايام اللى كان فيها الكشافة كانت من افضل عصور الصوالح واللى مش عاصر الكلام دة يروح ويسأل الاستاذ ابراهيم ابو رياض او الاستاذ كمال ابو نوح او الاستاذ وليد عبد الفتاح وغيرهم من الناس اللى الكشافة كانت لها دور كبير جدا جدا فى حيتهم
وبعدين فوق دة ودة اخو اعز اعز اصدقائى الاستاذ وليد عبد الفتاح ابو محسن وابن اجدع شخصية فى البلد الاسطى عبد الفتاح ابو حسين كبير المنجدين ومش ننسى طبعا الاخ حسين عبد الفتاح يعنى عاوز اقول لكم ان انا قعد فى بيت محسن الجديد اكتر ما هو قعد فية
للمرة التانية المعزرة ولكن دة كان رد فعل طبيعى
وانا ان شاء الله حخليه يبعتى الايمل بتاعة يا عم محمد ابو منصور عشان مش تزعل انت والاخ احمد ابو فتحيى والاخ ابو عمار
اخوكم / ايمن

يا عم ايمن انا اعتذرت امبارح والموضوع بسيط وبعدين ايميلي اهوه
a2z1972@hotmail.com

اهلا يا استاذ محسن
وبعدين يا استاذ محسن
الغربة اخدتك مننا
وللاسف الاعضاء مش عارفين محسن مين مع ان المفروض لما نقول محسن
لازم نعرف مين محسن ده لان انت لك علامات في الجبال
ما يعرفوش ان محسن ده من اصول الصوالح

الرد بخدوا ايميلات بعض ده رد مستفز وملوش لازمه علي فكرة مادام الناس مبتجرحش في حد احنا ممكن نستفيد من اسلوبهم في التعامل مع بعض وخصوصا انهم ناس كبار وناس عاقله فياريت مش كل شويه حد يطلع ويقول خدوا ايميلات بعض ياريت اللي مش لاقي حاجه يقولها ميقولش خالص مش يتواجد باي شكل وخلاص

هناك اقتراح سادس اود اضافته ومداولته ضمن اقتراحات الاستاذ الفاضل محسن (الصوالحي الاول) بالمنتدي والاقتراح هو انه من الممكن تغير الادارة باكملها من خلال مشاركة الاعضاء الفعالة يعني كل واحد ومجهوده الفعال والمؤثر وطبعا انا عارف ان الاقتراح ده هيبقي مرفوض ومش بعيد تتحذف مشاركتي

إحنا متواجدين يا جماعة ومنترين البقية وبنتأسف على بطئ سرعة النت فى البلد ومش عارف النت بطئ برا البلد ولا لاء

ايهاب الكلينس كتب:: الرد بخدوا ايميلات بعض ده رد مستفز وملوش لازمه علي فكرة مادام الناس مبتجرحش في حد احنا ممكن نستفيد من اسلوبهم في التعامل مع بعض وخصوصا انهم ناس كبار وناس عاقله فياريت مش كل شويه حد يطلع ويقول خدوا ايميلات بعض ياريت اللي مش لاقي حاجه يقولها ميقولش خالص مش يتواجد باي شكل وخلاص

لا يعم ايهاب ولا تزعل خالص يعم ايهاب
اى حد مزعلك مدايقك
قول وممكن نشيله
حتى لو من الاداره او لوحه لتحكم نفسها
احنا مش بينا تكليف ولا بينا اداره

كلنا اخوه

الاستاذ ابو يس المهندس ايهاب العايدي يا جماعة شكر علي ردكم الموضوع بسيط والمهم المصلحة
ولكم الف شكر

ياريت الأستاذ إيهاب يحتفظ برأيه لوحده .فعلا كده المنتدى قلب مواضيع شخصيه .ومش محتاجين حد احنا متأكدين انه مبيضفش جديد للإداره .ولو شايف فى نفسك الموهبه دى يريت تعمل سايد لوحدك حيكون أحسن ليك ولينا

ياريت يأستاز محسن .قاعد تقول انا حتحمل كل التكاليف .ممكن نعرف انتتى من رجال أعمال .او من الشخصيات البارزه .ياريت إلى عايز يعمل حاجه يعملها فى صمت .كتير من أهالى البلده محتاجين ياريت توفر ليهم مساعدتك وكفايا شعارات زهقنا منها .وإلى داخل يسلم على التانى وكان بكلمه على التليفون من شويه .ياريت يكلمه على الإيميل بتاعه هنا مواضيع عامه مش شخصيه.وشكرى للمديرين أحمد الزين وأحمد فتحى .أتمنى لهم كثير من التوفيق

اخى الحبيب محسن وايمن ووليد وكل فريق المتقدم بالمجموعة الكشفية بالصوالح المحترمين

بعد التحية والتقدير واستطيع ان اعبر لكم عن سعادتى عند قراءتى لهذا الموضوع لاننى ادركت ان مازال هنالك امل فى ما كنا نحلم به جميعا وعلى الاقل ذكرانى باشياء سعيد وجميع واسماء طاهره لاتنسي من الذكرة مما طالت الايام وبعدت المسافات للعلم انا كنت منتظر مثل هذا الاقترح واتنمى ان يكون هنالك تواصل مستمر وارجو ا ان كل وحد يشارك فى المنتدى يعطنى فكرة بسيطة عن نفسة لو باسم او الجهة الموجودبها او الوظيفة لان الاسماء فى معظم الاحيان لا تعبر عن الشحصيةعلى فكرة الكشافة اجمل ما فيها هو روح المحبة لان (الكشاف صديق لكل الناس واخ لكل كشاف اخر )

على فكرة يامحسن حاولت اسال عنك كثيرا واتنمى ان تكون هنالك نافذة نسطيع منه التواصل ومعرفة اخبار بعض لان السن يتقدم اقدم لكم نفسى انا يوسف محمد احمد (قائد يوسف ابو منسي ) اعمل مدير ادارة بمحافظة جنوب سيناءحاصل على ماجستر فى القانون ووكيل جمعية الكشافة الجوية بجنوب سيناء متزوج وعندى (احمد -اسامة -انس - ايمن ) احمد فى الشهادة الاعدادية واسامة اولى اعدادى وخير يكون لى عظيم الشرف عندما يطلب منى خدمة والى للقاء قريب00000

الاستاذ المحترم يوسف منسي والله بجد ليك ؤوحشة ودي مفاجأة ممتازة بجد اني الاقيك متابع وانت من الناس العزيزة والغالية علي قلبي واتمني لك كل توفيق يا ابو احمد ويعلم الله انه لو هناك ثمرة لهذا المنتدي ستكون اكبر ثمرة هي تجميع جميع فئات شباب الصوالح واهالي الصوالح حتي لو اختلفنا احيانا وان شاء الله نتفق كثيرا سيكون المستفيد الاول هو قرية الصوالح .
اما الاخ DROGE شكرا علي كلامك وساتجاوز الرد عنه ويكفيني انك تعبت نفسك وقريت كلام مش عاجبك وضيعت وقتك معانا واحب الفت نظرك لنقطة صغيرة بس يا اخي الكريم ان انت عشان تناقش مواضيع عامة لازم الاول تعرف انك حتناقشها مع مين وهتتواصل مع مين يعني مش عيب ابدا اني اكلم حد مشفتوش من زمان علي المنتدي واعتقد أن الموضوع مكنش فيه ضرر لحد أو تجاوز من اي نوع لا سمح الله اما حكاية رجل اعمال والطريقة اللي قلتها بها ردي بسيط بإذن الله
حسبي الله ونعم الوكيل

يا أستاذ محسن متزعلش نفسك هو يمكن ميقصدش وانت عندك حق فى كلامك
وياريت متزعلش انا معرفكش شخصيا لكن من كلامك واسلوبك واضح انك انسان محترم

قريبا جدا ستكون اقوالنا افعال وسنعلم الرجال من الرجال

ابشر اخ محسن بدأت مرحله العد التنازلى وبإذن الله لن تدوم طويلا

جزى الله الاستاذ محمد عبد المعز عنا كل خير

نتمنى نشوفك علشان فى حاجات كتير حتحصل ونتمنى تشاركنا فيها

مش حوضح اكتر من كده بس اتمنى تاخد كلامى بجديه

بسم الله الرحمن الرحيم
اولا اشكر الاخ محمد عبدالمعز الموضوع يا استاذ محمد اني لما عرفت وسمعت عن المنتدي كنت متحمس جدا وكان نفسي اعمل اي حاجة وعرضي فكرة اني اتحمل مصاريف إنشاء الجمعية واشهارها لاني كنت ملاحظ ان معظم المسجلين في المنتدي من الشباب وطلبة الجامعة وبعدين اشهار جمعية مش محتاج راجل اعمال ده توضيخ للكل وشخصيا وعلي المستوي الشخصي انا واحد والحمد لله من اكتر الناس اللي استفادو من الصوالح وخصوصا من مركز الشباب يعني مافيش مكان في مصر مرحتوش علي حساب النادي واسألو الاستاذ يوسف منسي وهو يعرفكم فمن حق البلد علي انا شخصيا اني ارد جزء ولو بسيط من دين الصوالح علينا وخصوصا ان القائمين علي المنتدي من غير العاملين
علي العموم الموضوع بسيط وتم التجاوز عنه
وفقنا الله جميعا لما يحب ويرضي

بسم الله الرحمن الرحيم
يا جماعة حد يقولي الاستاذ momoaziz مين
هل هو الاستاذ محمد عبدالمعز؟

لا والله مش هو أنا اسمى محمد وعندى 24 سنة

على فكره انت عامل ايه يامحمد شكرا ياعم محمد على ردك الجميل .الأستاذ محسن مبيحبش حد يهزر معاه ولا لأ على فكره كل سنه وانت طيب واهداء خاص للاستاذ محسن بمناسبة شهر رمضان



+ ---- - لا والله مش هو أنا اسمى محمد وعندى 24 سنة



+ ---- - لا والله مش هو أنا اسمى محمد وعندى 24 سنة

الاستاذ momoaziz ربنا يديك طول العمر في الخير ان شاء الله بس مش ملاحظ انك تاعب الدنيا من ساعة دعوة العرس وانت متعب يعني ولا جيت ولا نقطت وفي الاخر معرفتش انت مين يا جماعة راعو فرق السن وخلونا نتعرف علي بعض فيه ناس عواجيز زي حالاتي كده متعرفش نص شباب البلد ومافيش فرصة غير المنتدي اني اتعرف عليهم فخليها عليك وقول انت مين
اما اخونا DROGE ياعم هرج براحتك للصبح بس يارب يكون اللي انت قلته كان تهريج وبرضو معرفتش انت مين؟
هو الموقع ده والناس اللي فيه شغالين مع رافت الهجان كلو محدش راضي يقول اسمه ليه
ولا يكونش الموقع مشفر علي ART ولازم اشتراك عشان نعرف الاعضاء علي الله يا ابو الزين تحل الموضوع ولا مش حتطلع ابو الزين في الاخر وحتطلع قايم بدورين ونلاقيك جيمس بوند
علي العموم كل عام والجميع بالف خير بمناسبة رمضان

يا محسن بيك أنا متعب من يومى أعمل ايه ادعى ربنا يهدينى
وبعدين بالنسبة للنقوط لو كنت موجود كنت نقطت فى الفرح لكن مكنتش موجود
وكمان انت كنت عاوز بكل الطرق تخسرنى فعشان كده قناتنا مشفرة ولازم تدفع
ومتسدقش الكلام اللى بيقولوه " مفيش حاجه حصرى كلو على التليفزيون المصرى " .