صوالح الالفية التالتة

والله انا الان عرفت صحاحبي ( صوالحي رقم 1) بس انت قصدك اول واحد بعد المليون ولا ايه قصدك يا فندقة واخبار شغلك ايه في الامارات كويس الحمد لله وقطع الغيار السيارات اسعارها ايه عندكم مرتفعة ام منخفضة وبعدين انت مش بتفتح الايميل ليه وبعدين وحده وحده على شباب الصوالح يا عم الامور يا ابو عتريس القادم إن شاء الله
الان عرفتك لما ذكرت اسم/ الاستاذ إمام وعائلة ابو فندقة
طمني عليك يا صحبي
ولك تحياتي

الحمد لله يا عم اشرف كلو تمام وكويس كده اديك خليت الناس تعرف انا مين كنت عايز ااجلها شوية

الناس لازم تعرف مين الراجل اللي بيحب بلده ده وانت إضافة كبيرة يا أخي بلاش صاحبي لأنك أخي بالفعل وربنا اعلم بهذا وبعدين انت بتتكلم على لغة الصوالح أهم شيء يميز الصوالح هي لغتها والبيت اللي مش فيه قنو يا عم محسن يبقى مفيش تعليم انت فاهم قصدي هههههههههههههههههههههههههههههههه
ربنا يرزقك ويوفقك ويحقق امانيك
أخيك
أشرف العربي

السلام عليكم يا صوالحية
اولا شكرا لكل اللي عدي وشاف وشكرا للي معداش ومنور يا استاذ اشرف يا ابو العربي ويا احمد يا ابو فندقة ايوة يا عم انا محسن وشكرا للاستاذ حمود بس ياريت ميرحش ينضف البلد بمكنسة كهربائية وشكرا للاخت مؤمنة ولا اقول ميرسي يا اخت مؤمنة المهم استعدو جميعا عشان فيه كنز في البلد وبجد انا عرفت مكانو بس حتأكد من شوية معلومات وبعدين اعرفكم انتو الكل وشكرا للجميع
ابو فندقة

مشكوووووووووووووور اخي علي الكلام ده

بص يا عم ايمن انا عارف 2 ايمن في البلد ايمن ابو حسن وايمن عبدالمعطي والتالت بقا ايمن ابو غويل مع حفظ الالقاب للجميع طبعا كلهم اخوة وافاضل اختارلك واحد فيهم

ههههههههههههههههههه والله كده ظبطت انت ايمن ابو عبدالبصير صح انا متأكد دلوقتي ان انت عبقرينو

كويس عقبال لما الاعارة تبقي عقد مستمر طبعا كلو خير وبركة بس للاسف محصليش الشرف واتعرفت علي الاساتذة ايمن اللي انت كتبتهم

انا عرفت الاستاذ ايمن من كلامو يا ابوحميد وربنا ما يجيب حيرة

لام جميل يا جماعة ويا ريت نكون إيد واحده ونحاول نشوف البلد فيها ايه ناقص ونحاول على قد ما نقدر نعملوا ولا ايه رأيكم وخليكم كدا مع بعض متواجدين دائماً

بسم الله الرحمن الرحيم
الاستاذ محمود سنجر والاستاذ محمد حسين شكرا لمروركم الكريم
يا اخ محمود ليه ناجل بس لو فيه ناس عندها امتحانات واشغال البركة في اللي يقدر محدش مطلوب منه اكتر من طاقته واللي يقدر علي حاجة يعملها وخلينا نبدأ بابراج تقوية الارسال ونقف في وشها لو فيها ضرر للبلد وخلو ده الموضوع الاهم الا اذا كان حد تاني عندو موضوع اهم في الوقت الحالي
وضدقوني هي خطوة واحدة وموضوع واحد يتحل عن طريق المنتدي وبعد كده الامور ان شاء الله حتمشي كويس وبعدين يا اخ محمود فيه ناس كتير داخلة المنتدي بحماس كبير مش عايزين نثبط عزيمتهم خليهم يحاولو ويمكن ربنا يقدرنا ونعمل حاجة
والله الموفق

يا ريت يا جماعة نكون مجلس الإدارة بسرعة ونتكلم فى الموضوع دا ومجلس الإدارة دا يتحرك من خلال إقتراحات فى المنتدى ودراسة قوية لكل المشاريع ويا ريت يكون فى إقتراح سريع لتكوين مجلس الإدارة وإحنا جميعاً منتظرين المجلس \
























لسة معملتوش المجلس

خلونا نفكر لقدام يا جماعة إحنا إقترحنا كتير واتكلمنا كتير لازم بقا نشوف هنعمل الاقتراحات دى ولا ايه وهنفذها إزاى

تقريبا يا اخت امولة حنقضيها اقتراحات وبس
مش عارف الشباب بيكسلو ليه مع ان كل الموضوع مجرد خطوة حد ياخدها
وشكرا لمرورك علي الموضوع

يا ريت كل اللى فى المنتدى يتفقوا على معاد واحد والكل يكون متواجد وكل ونبدأ النقاش بجد فى وقت واحد العملية هتاخد وقت شوية بس يكون فى ثمرة ولو أى ثمرة من النقاش وياريت يكون بسرعة

الجمعة مناسب وياريت نقدر نتجمع وياريت ادارة الموقع تحطها علي الصفحة الرئيسية ونبقي اصحاب اول اجتماع الكتروني

لو مافيش صفحة علي الشات ممكن نبعت رسايل علي موضوع معين يتفتحلو صفحة مخصوص
زي الطريقة اللي بيلعبو بيها في قسم الالعاب

علي فكرة ياريت كل واحد يحط بعض الاسماء من المنتدي لمجلس ادارة المنتدي وبعض الاسماء من برة
انا عن نفسي ارشح من المنتدي
الاستاذ ايمن
الاخت مؤمنة
الاستاذ محمد سنجر

تمام كدا يا ريت نبدأ بمناقشة الاقتراحات والأراء من دلوقت لحين وصول باقى الصوالحوية يا جماعة كلام جميل جداً ها لسه فى ناس معرفتش المعاد ولا ايه

صوالحي رقم (1) كتب:

علي فكرة ياريت كل واحد يحط بعض الاسماء من المنتدي لمجلس ادارة المنتدي وبعض الاسماء من برة
انا عن نفسي ارشح من المنتدي
الاستاذ ايمن
الاخت مؤمنة
الاستاذ محمد سنجر

كلامك ممتاز وإختياراتك فى محلها ويا ريت نختار العضوين الباقيين من برا المنتدى ويكون ليهم مكانه كويسة فى البلد ويكون ليهم رأى وليهم بعض النفوذ دا هيكون تسهيل لعمليات التنفيذ اللى هيتوصل ليها أعضاء المنتدى وأعضاء مجلس الإدارة ولا ايه رأيكوا

صوالحي رقم (1) كتب:

علي فكرة ياريت كل واحد يحط بعض الاسماء من المنتدي لمجلس ادارة المنتدي وبعض الاسماء من برة
انا عن نفسي ارشح من المنتدي
الاستاذ ايمن
الاخت مؤمنة
الاستاذ محمد سنجر

يا جماعة رحتوا فين عاوزين تفاعل أكتر من كدا من باقى الأعضاء بلاش نتفرج بس وشكراً جزيلاً على إختيارك ليا يأخت مؤمنة بس أنا أتمنى إنى اكون مع اللجنة المنفذة لما يتوصل اليه مجلس الإدارة

الموضوع أخد طابع الجدية يا جماعة

دا شئ جميل بجد

السلاااام عليكم ورحمة الله
بصراحة الحوار شيق جدا يا جماعة
وانا بقول للأخ أيمن احنا مش بننفخ في قربة مقطوعة ولا حاجة
احنا لازم يبقى عندنا صبر شوية عشان اللى عاوز يغير لازم يصبر وان شاء الله أناشخصيا مستعد استعداد كامل انى أبذل كل اللى أقدر عليه عشان نطور من أنفسنا الأول ونطور من بلدنا
و يارب يجعل الخطوات دي كلها في ميزان حسناتنا
بس يا جماعة أنا عاوز أقول حاجة
احنا عشان ربنا يكرمنا ونقدر نغير لازم احنا نتغير من جوانا
بس مش بالكلام لازم يكون التغيير بجد بالعمل وعلى فكرة الاقتراح اللى قاله الأستاذ أيمن بخصوص البسطة جميل جدا بس مش هوا كل حاجة أكيد فيه اقتراحات أكتر
أنا عاوز أقول ان كل واحد فينا يقترح اقتراح يقدر يعمله هوا بنفسه
يعني اللى من جواه مش كويس من ناحية حد تاني يحاول يتغير
واللى متعود يعمل حاجة مش كويسة يحاول يتغير
واللى مش بيحافظ على عباداته زي الصلاة يحاول يتغير
واللي مخاصم حد يحاول يتغير
واللي بيعلى صوته على والدة ووالدته يحاول يتغير
وكل الأمراض بقى اللى زي دي اللى كلنا بنقع فيها
لاااااااااااااااااااااااااااااااااازم نتغير
وأفكركو بالآية " ۗ إِنَّ اللَّهَ لَا يُغَيِّرُ مَا بِقَوْمٍ حَتَّىٰ يُغَيِّرُوا مَا بِأَنْفُسِهِمْ ۗ "
وان شاء الله ربنا هيكرمنا
ويارب يوفقنا كلنا لخدمة بلدنا وخدمة الناس في بلدنا ويجعلنا من خير الناس اللى هما أنفعهم للناس

والسلام عليكم ورحمة الله

بسم الله الرحمن الرحيم
يا جماعة ياريت نتفق علي ميعاد يوم الجمعة وحيكون حققنا مكسبين مهمين
1 - لو اجتمع اكتر من نص اعضاء المنتدي كده يبقي قدرنا ان احنا نحقق اكتر من نص المشروع واكيد بإذن الله حناخد قرار
2 - لو العدد تجاوز فوق 25 % من اعضاء المنتدي كده يبقي فيه امل كبير ان احنا ماشيين صح وتحقيق الاهداف حيتاخر شوية
علي العموم بالنسبة للاشخاص اللي يتم ترشيحهم ياريت يكونو اهل ثقة للجميع ويقدرو ينفذو حاجة يعني كفاية واحد من المقيمين برة بس والباقي من اهل البلد وافضل ان يكون المغترب في السعودية عشان فيها اكتر عدد من الصوالحية اللي برة اما بالنسبة لاختيار الاستاذ فتحي ابو السيد والاستاذ مصطفي طنطاوي وحتي الاستاذ محمد طنطاوي كلهم ناس افاضل واساتذتنا واعمامنا
والاخ محمد حسين انا للاسف محصليش الشرف ان اقابلو شخصيا او اعرفو شخصيا بس اكيد هو من الشخصيات المتزنة وفيه ميزة مهمة وهي السن لان السن القريب لاكبر شريحة من اعضاء المنتدي مهم جدا يعني خلونا نتفق علي الشكل العام لمجلس ادارة المنتدي
1 - 2 عضو من ادارة الموقع
2 - 3 اعضاء من الاعضاء الفاعلين في المنتدي
3 - 2 عضو من خارج المنتدي زي الاساتزة الافاضل اللي تم طرح اساميهم
يبقي المجموع 7 اعضاء ويكون فيهم رئيس وامين صندوق وباقي الاعضاء
دي الخطوة الاولي اما الخطوة التانية وهي الاهم هي طريقة عمل المجلس واهدافه
هل هي مساعدة الشباب في الزواج ولا المشاريع الصغيرة ولا العلاج ..... الخ .
ياريت نكون محددين اهدافنا من الاول عشان نرتاح ونعرف راسنا من رجلينا
ومحدش يبص علي الترشيح والاسماء بشكل شخصي اهم حاجة كلو يحاول يخدم من مكانه
اخوكم صوالحي رقم 1

لا حول ولا قوة الا بالله العلي العظيم استغفر الله العظيم يارب
من كتر الحماس نسيت الاستاذ السيد ابراهيم طعيمة طبعا يا استاذ سيد حتسامحني انت الكبير برضو وقلبك كبير

يا جماعة وإحنا بنختار لازم يكون فى أعضاء لها سلطة تنفيذيه علشان منقعش فى مشاكل ودا طبعاً أكيد ويا ريت نفكر إزاى نجذب باقى الأعضاء إلى الموضوع دا ونخليهم يشاركوا

يا أستاذ أيمن إنتا رحت فين وإقتراحاتك فين عاوزين كل الشباب يكون معانا ولا إحنا بدأنا فى توقيت خاطئ الشباب مشغول بالدراسة والامتحانات

تمام يا أستاذ أيمن بس لازم يكون الشباب معانا وكل الناس الموجوده برا لأنى مشفتش منهم أحد دخل الموضوع وشارك فيه غحنا دلوقت يديوب 5 أو 6 فقط من مجموع 200
خلينا شويه مع الشباب والامتحان

السلام عليكم ورحمة الله وبركاته
أنا ماقصدتش يا أستاذ أيمن ان احنا نصبر يعني نسكت ولكن أنا قصدت بالصبر اننا ما نستعجلش وننفذ كلامنا بكل تريث وعدم اندفاعية عشان تبقى النتائج محققة بالفعل بعد توفيق ربنا لينا
وعموما أنا بأقترح على إدارة المنتدى ان هما يبعتو لكل المشتركين في المنتدي رسايل على الاميل وتعرفهم بالموضوع عشان كل الناس تاخد بالها لأن فيه مشتركين كتير مش عارفين الموضوع
وأهم حاجة في الموضوع دا التفاعل من الجميع وان شاء الله لازم نغير بجد

بسم الله الرحمن الرحيم
الحمد لله ، والصلاة والسلام على رسول الله ، وعلى آله وصحبه وسلم تسليماً كثيراً ، والسلام الله عليكم ورحمة الله وبركاته ، ثم أما بعد :
فإنني أشعر بسرور وغبطة كبيرة من طرح هذا الموضوع ، لأن الإخوة الذين شاركوا بآرائهم في هذا الموضوع هم من الشخصيات التي لها مكانة أدبية واجتماعية في بلدتنا الحبيبة ، كما أنهم من الشخصيات التي تتمتع بذكاء اجتماعي وحس مرهف تجاه بلدتنا بالإضافة إلي خفة الدم وروح الدعابة ، مما يجعل هذا الموضوع برغم من جديته الشديدة وأهميته يتعطر ببعض من هذه الصفات الجميلة التي يتمتعون بها .
وأحب أن أتوجه بالشكر في البداية لك من كتب في هذا الموضوع وعلى رأسهم الأستاذ / محسن والأستاذ / أيمن والأستاذ / محمد حسين والأستاذ / محمد أبو الهادي ، وباقي الإخوة الأعضاء .
وكم سيسعدني لو طالت بي الحياة وسمعت أن تغيير هذه البلدة كان على يد نخبة من محبيها على منتدى على شبكة الانترنت ، وأحب أن أقول للجميع بأن طريق الألف ميل يبدأ بخطوة . واعتقد أنكم بهذا المنتدى وبهذه الأفكار المستنيرة قد تجاوزتم هذه الخطوة الأولى ، ونحن الآن سائرون على طريق الألف ميل . المهم عدم اليأس وبذل الجهد المتيسر حاليا حتى ولو كان بسيطاً ، ولا تحقرن من المعروف شيئاً ولو كان في أعين الكون تافهاً . ولكنني في نفس الوقت أحب أن أسدد سهام النصح إلي قلوبكم قبل أسماعكم ، فكم من مريد للخير لا يبلغه . فالحياة علمتني أنه ليس كل ما يتمنى المرء يدركه . والإصلاح لا يأتي إلا بأمرين : الصبر واليقين .
فكل دعوة للإصلاح يقابلها ملايين الدعاوى للهدم ، فإن لم يكن عندنا الصبر الكافي ، واليقين بما نعمل ، فإننا نلهث خلف السراب . فلا أملاً بلغنا ولا أنفساً حفظنا .
كما أن كل وسيلة للتغير تجد لها محفزاً واحداً وآلاف المثبطين للهمم والعزائم .
وفي النهاية إذا لم يبتغى بالعمل وجه الله عز وجل وكانت النية فيه خالصة فإنه يذهب مع الرياح ولا خير فيه .
لذا فإنه يجب علينا في البداية أن تكون نيتنا خالصة لله عز وجل لكي يساعدنا على تحقيق ما نريد ، وأن يتجرد كل منا من حب الذات وأن نعمل كفريق واحد . نحلل المشكلة معاً ، ونضع الحلول معاً ، وننفذ الواجب علينا معاً ، وفي النهاية نترك النتائج لله عز وجل . فالله لن يسألنا عن النتائج ولكنه سيسألنا عن العمل .
وبالنسبة للأسماء التي قمتم بطرحها فأنا أزكيها جميعاً فإننا نحسبهم على خير والله حسيبهم ولا نزكى على الله أحداً من خلقه . وأحب أن يضاف اسم الأستاذ / محمد حسين أبو الصادق ، فإنني أحسبه من أهل الخير والصلاح ولا أزكيه على الله .
وأسأل الله أن يبارك جهودكم ويوفقكم لما يحبه ويرضاه ، إنه نعم المولى ونعم النصير .

بصراحة كلام جميل جدا وانا من اول يوم عرفت فيه المنتدى الرائع ده وانا قررت انى ارد واساهم فى الموضوع المهم ده
انا رايى ان الكلام ده لازم يتنفذ بسرعة يعنى الموضوع لو طول هتلاقى الكل بيكسل ويشيل ايده ويقول انا مالى
وعشان كده انا برشح الاستاذ محمد الهادى انه يكون من المسئولين عن الفكرة دى لمعرفتى انه شخص ايجابى وبيحب المساهمة فى الخير وتغيير الحاجات الغلط وطبعا ده لا يقلل من اى حد
يعنى الاستاذ محمد حسين برضو و كل الناس اللى موجوده
واحب انى أأكد على كلام عضو مش فاكر مين هو اللى قال الاية الكريمة
إن الله لا يغير ما بقوم حتى يغيرو ما بأنفسهم
صدق الله العظيم
وكمان الواحد لا يحقر من المعروف يعنى انت لو ساهمت فى جواز بنت يتيمة ولا علاج واحد فقير
شوف السعادة اللى هتكون فيها وربنا يوفقنا الى ما يحب ويرضى
والسلام ختام

بسم الله الرحمن الرحيم
السلام عليكم ورحمه الله وبركاته
والله انتوا ناس محترمين جدا وانا اشعر بسرور وسعاه لما بدخل المنتدي منتدي الصوالح بلدنا واقراء اراء الناس الجميله دي تحياتي للاستاذ محمد حسين ؛الاستاذ الفاضل محمد الهادي وأخونا الكبير محسن ؛والأخ الفاضل الاستاذ هاني نبيل ؛والاخت الفاضله مؤمنه والساده ؛والاح مومو أما بعد القرارات التي سوف نتخزها لابد من دراستها اولا مع الساده الاعضاء ومناقشتها وطرحها علي الناس لابد من ان يكون في اخوه لهم منصب بالقريه لمساعده الاعضاء علي تنفيز خطواتهم بس كل ده لابد ان نري تغيير كبير من الناس داخل القريه لفعل الخير يا جماعه في ناس كتير قوي بيعملوا خير في البلد بس عيزين ناس تساعدهم وتوجهم اي والله بلدنا فيها خير كتير بس نش ظاهر ليه بقي لان مفيش حد بيساعد علي عمل اي شيء يجمع الناس دي فلابد ان نعمل اعلان عن منتدانا وعرض اراءنا للناس والله الموفق اشكركم