هل تعرف معناها؟؟؟

براحة شوية يا عم مطمئن على الأدمن
انا مقتنع بوجهة نظرك بس متخدش الموضوع بشكل شخصى
يعنى اه ممكن يكون احمد ابو الزين عنده وجهة نظر تانية موضحهاش
بس طبعا انا مش بدافع عنه لأن انا متفق مع كلامك
ويارب دايما يكون بيننا وبين بعض نقاشات جميلة ومفيدة تقرب الجميع
وشكرا على موضوعك الأول ويارب دايما نشوف مشاركاتك على طول

والله واضح انك انسان محترم ومثقف
واكيد انا متفهم كلامك ووجهة نظرك
وطبعا الاختلاف فى الرأي شئ طبيعى
وكلنا لازم نتقبل آراء بعض بصدر رحب

يسلام يعم المطمئن اختلط الحابل بالنابل

اقتباس :

أن كلمة lol هذه هي أيقونة من أيقونان
منتداكم الكريم... لذا ارجو منك إذا كنت مقتنعا

اولا اخى الحبيب موقعنا خاضع لدى شركه احلى منتدى وهذه شركه استضافه عربيه كبيره جدا وبها الاف والاف من المواقع يعنى الاف الاذواق وطبعا النسخه
phpBB مع قاعده بيانات متصله وليس منفصله

اضغط على الرابط لتعرف اكثر

المهم اخى ما وددت اتصاله ان ترخيص النسخه لا احد يمتلكه وحضرتك بتاخد النسخه جاهزه من الشركه

اقتباس :

تقدر تقولي معنى كلمة ( admin ؟ )

اقولك يسيدى زيه زى root
فى النسخه vb بجميع اصداراتها
يعنى وحضرتك بتصمم الموقع لازم مستخدم جذر وده بيكون افتراضى وهو اختصار لـ
administer
وهوه المتحكم بلوحه الاداره (سبق وان غيرته وللاسف سقط من موقع كنت فضلت يوم ونص متصلين اعد فيه)ـ
وانت تعلم ان المنتديات مصممه بلغه برمجيه غربيه
فمثلا عند التعبير ده بعد حذف المسافات
: )

بيديك


وطبعا ده كله اخى الحبيب موجود فى كل المسنجرات
وطبعا حضرتك خلط بين الوجوه التعبيريه وبين الكلامات الدلاليه
وتخيل اخى الحبيب انك تحفظ كل الاختصارات اللى فوق وكلمت واحد جاهل بيها
اكيد حيتعقد مثلى فى بادئ الامر


وفى الاخير اخى الحبيب الانجليزيه هى لغتى الاولى بعد العربيه وطبعا كل حاجه بحب اتعلمها
بلاقيها للاسف بالمنتديات الاجنبيه وده سر تفوقى والحمد لله

وطبعا حضرتك مخدتش بالك من كلامى فى البدايه

اقتباس :

وهي اشياء مستهجنه على لغه الضاد لا احبها

طبعا زي الجمله دى

an3 3ayez a5lk 3la 7aga ya mtm2n

اختصارا لـ
انا عايز اقولك على حاجه يا مطمئن

وطبعاكلمه اخيره اقف على اى صوره
كيلك يمين
properties

حتلاقى

مش على سيرفرى الخاص نهائيا
https://illiweb.com/fa
على هذا السيرفر


اما

مثل هذا الرموز ما افضتها انا
وهى الكبيره الحجم وهى على مكتبه الصوره الخاصه بنا
servimg

والاخ مومو يقدر يقولك ذلك لانى اضفتها بعد فتره من انشاء المنتدى

اقتباس :

. أرجو ميخدش الموضوع بشكل شخصي فعلا..

طبعا اخى مفيش شكل شخصى ولا حاجه بس شويه حاجات ارجو انها تكون وضحتلك

ولكنى والحمد لله لم اعتد ان اناقض نفسى وهذا فضلا من الله ونعمه
وانا لا اعلم سوى مكان سكنك بالرياض

اولا اخى الحبيب اسف على التنأخير
وبالراحه علشان انته رحت بعيد خالص


ثانيا على سبيل المداعبه لو فيها حاجه انا اسف

ثالثا انا لا اناقض نفسى وانا مصمم
على رأي كما قلت
الا اخى الحبيب احنا تركنا لب الموضوع واتجهنا للايقونات


ممكن واحده واحده وادينى على اد عقلى لو سمحت
احب اعلمك انى لا اعترض نهائيا على اللغه الانجليزيه
بل من المواد اللى بعشقها وكمان تقريبا كل دراستى بيها
وحتى لو مش بحبها مش حسيب دراستى


واحده واحده ركز معايا وافهم كلامى كويس انا مش حضيف جديد
علشان مش تقول احمد تاه منى تمام حنسخ من كلامى اللى فوق تابع معايا

اقتباس :

وفى الاخير اخى الحبيب الانجليزيه هى لغتى الاولى
بعد العربيه وطبعا كل حاجه بحب اتعلمها
بلاقيها للاسف بالمنتديات
الاجنبيه وده سر تفوقى والحمد لله

وطبعا حضرتك مخدتش بالك من كلامى
فى البدايه

ده كان كلامى اخي صح
وده كمان

اقتباس :

طبعا زي الجمله دى

an3 3ayez a5lk 3la 7aga ya mtm2n

اقتباس :

اختصارا لـ
انا
عايز اقولك على حاجه يا مطمئن

تمام لحد كده انا مش ضفت حاجه بس انا بنسخلك
دلوقتى اوضح اللى يمكن حضرتك مقدرتش تفهمه من كلامى
او انا معرفتش اوصله لحضرتك كويس

اعتبر انا داخل عليك بالشات دلوقتى واول جمله كتبتها

اقتباس :

ASM

اختصار للسلام عليكم
اخبرني اخى الحبيب اين الجمال في كده
ضيعنا المعنى السامى لكلمه

اقوم انا ارد عليك
asm
يسلام فين بقه تحيه الاسلام

اما انك تكلمى اجانب او اى حد الامر لا يخصنى وسبق لي وان كلمت اجانب مسلمين كتير بالانجليزيه

اقتباس :

يا أستاز أحمد ( لا
سيرفر ولا منتدى ولا أيقونات ولا أي حد لازم يجبرك إنك تعمل حاجه مش راضي
عنها

زي إسمك مثلا...

تمام ونا مش عاجز عن تغييره اخي هو افتراضى واظن انى مش مسميه
a7med
علشان تختلف على دى كمان وتجعل منها وجه للمقارنه
اولي بداياتى بلوحه الاداره كنت اخشي التغيير خشيه من ضياع المنتدى لعلمى القصير بها
ولكن زي متقول كده الناس عرفتنى بالاسم ده محبتش اغير علشان كده




اظن اخى كلامى كان واضح من البدايه وحلخصه بسرعه

اقتباس :

اشياء مستهجنه على لغه الضاد لا احبها
لانى
لا احب التعلق بالفروع

لا اعترض على اللغه الانجليزيه ولا على الايقونات كما ترى من اول مشاركه كلمه مستهجنه يعنى ملهاش علاقه بالانجليزيه
ولما ابهم الامر عليك وضحت لك فى ثانى مشاركه

اقتباس :

طبعا زي الجمله دى

an3 3ayez a5lk 3la 7aga ya mtm2n

اختصارا لـ
انا
عايز اقولك على حاجه يا مطمئن

السبب بقه فى ده كله
اني كل شويه واحد صاحبى يخش ويقول

azek ya7med
3amel aeh
fenk
Brb sheweya we arg3


وصلت المعلومه اللى انا اعرف العربى عربي والانجليزي انجليزي
والافضل مادمنا عرب التمسك بلغتنا الام

ارجو ان اكون اوضحت



-------------------------------------------
لو مش من الرياض يبقى ساكن بالسعوديه ومزود الخدمه من الرياض

الحمد لله اخى مرحبا بك فى اولى الخطوات ان شاء الله
وكما تري الامر بسيط جدا لاداعى للاختلاف فيه
وبدون اقتباسات او نسخ
او اعتراضى على الشات لا اعترض لأن كل انسان على نفسه رقيب
حلو الكلام ......حلو الكلام

اعتراضى قي كلمتين اثنين ان شاء الله
اظنك ستفهمهم جيدا وليت شعرى لكنت ذكرتهم اليك في بادئ الامر

اعتراضي على الانجليزي المتعرب المنتشر
في مئات الغرف مخصصه لكده وموضوعك بكلماتك احدي الاوجه المنتشره

فهل نضع حدا ونصحا ام ننشر علما ؟!
اظنك قد وصلك وجه نظري

ومرحبا بك اخى من جديد
اخوك احمد الزين
او كما يقولون احمد ادمن

انته تعبتنى اوي معاك يالمطمئن
صدقنى ليست معركه مين الكاسب والخاسر وراح اكمل ردي باللغه اللى انا مش بحبها علشان تعرف كويس اقصد ايه

bos 7abibi elmtm2n plz 7awel tefer9 ben el 2mren
ya3ni a5i 3andk oxford leh nseb al osol we nemsk fe el fro3
sadekni a7na keda ya3rb mesh shatrenn 9er fe el ta3reeb we el ta5reeb
lazem yekon lena l9a mou7da we heya l9tna al2om atmna a5oy tkon
fehemt ana 3ayezk tewsl l2yeh

يعني لاحظت شويه فروع وغصون وأشجار في كلامك... بس ملقتش رد على سؤالي
أنا لسه عاوز ردك على سؤالي

الاول السلام عليكم اعرفك بنفسي اخوك محمد منصور يعني نجارين بلدنا الشطار واوعه تعتبرها اختصار شوف فيه شات محترم وفيه شات لا يعرف معني كلمه احترام مثال شات الياهو ده شات زباله وفيه شات في قمه الاحترام مثال البلتوك في غرف لا تعرف الاختصرات وبعدين يا سيدي ميهمش الاختصار او الكلمه في حد ذاته المهم الأفاده من الشات اذا كان محترم يبقه برب او لولو اي حاجه طلما بنستفاد مش دخلين نتعرف علي بنات وبس طيب خليك انتا دخلت المنتدي ولقيت لو لو بس استفاده كبيره ليك ولينا صح واحترام متبادل وولكم باك بيك يا حبيب قلبي ومعلش مش عارف اكتب كويس اصلي داخل من الجوال

الله ينور عليك يا ابو منصور والله كلامك حكم
فعلا مش المشكلة فى الاختصارات المهم الاستفادة والافادة

الاول السلام عليكم وبعدين نتكلم اولا يا اخوه انا تابعت كل ردودكو علي الموضوعين ده والي هو عمل المرأه اولا ده يا اخ مومو احنا عاملين زي الدكاتره الي بيجو علي القنوات الفضائيه كلام زي العسل ومفيش عليه غبار بس احنا طيب هما بيكلمو انهي شريحه في المجتمع بمعني طبيب اطفال يطلع يقلك شمبوهات للأطفال وفيه ناس بيستعملو صابونه الغسيل ومش لقينه والعيشه ماشيه وزي العسل مقصد كلامي الي عاوز يصلح يبقه من الاساس

اقتباس :

يعني لاحظت شويه فروع وغصون
وأشجار في كلامك... بس ملقتش رد على سؤالي
أنا لسه عاوز ردك على سؤالي

( هل أنت تعارض الشات في حد
ذاته؟؟ أم أنك تعارض إستخدام الإختصارات في الشات؟؟ أم أنك تعارض إختصار
بعض

اقتباس :

الأخ / أحمد الزين

أنا كنت سعيد بجد ومن غير أي مجاملة بالنقاش معاك..
وأتمنى إنك تتواصل معايه في كل مواضيعي وردودي

أكيد هستفيد منك.. وانت كمان
تستفيد ولا ايه.. أتمنى نفضل أخوات على طول وزي ما قال مومو إختلاف الآراء

وارد .. بس مستني ردك على سؤالي

بالطبع اخى الحبيب اول شيئ فعلته انى برد على سؤال حضرتك
انا لا اعارض الشات نهائيا بدليل اننا مركبيت شات على موقع الصوالح ولكن فى غياب المشرف بنكون مضطرين لازالته حتى يكون تحت روابط واحكام معينه

وطبعا بما ان دي ان شاء الله اخر مشاركه ليا بالموضوع فأنا سبق ووضحت اعتراضى وسأوضحه مره اخري اخى الحبيب تقدمت الصين واليابان وكل الدول التي تراها تبرق اليوم على الساحه كان من احدى الاسباب القويه هي حفاظهم على هويتهم وتمسكهم بها وبالادق لغتهم لذلك نبغو وتفوقوا

اما نحن للأسف واسف على التعبير زي اللى رقصو على السلالم ................لا عارفين نحافظ على لغتنا المتميزه ولا حتى عارفين نتكلم اللغه الانجليزيه او حتى نتعلمها بنداري ضعفنا بضرب الاثنين

اما حكايه التعريب والتخريب فمش تقلب الجراح بالله عليك ولو تحب ارجو ان تكون في موضوع منفصل وستجد الرد الشافي ان شاء الله

اما بالنسبه لإطراء فما اسعدنى ان اسمع هذا الله من شخص متميز مثلك اخى الحبيب
واعتبره وساما على صدري بل هو الفخر بعينه
وان شاء الله نستفيد اكثر وربنا يديم المحبه والوداد اخى

والله ولي التوفيق

الأخ أحمد الزين

نحن أفضل من كل دول العالم... فنحن نتمسك بأغلى نعمة من الله العلي القدير... نتمسك بالإسلام
أنا لا أحب أن نقارن بين العرب وأي جنسيات أخرى .. إننا أفضل في كل شيء ولو كان لنا بعض الأخطاء
ولو كثرت هذه الأخطاء..هم يحافظون على لغة ليست بالعربية.. نحن نحتفظ بالعربية ونتعلم معها لغات أخرى
هم يحتفظون بلغتهم ولكنهم لا يستطيعون التحدث بلغتنا... نحن متقدمون بعروبتنا وإسلامنا.. نحن نعرف لغتنا جيدا
بدليل أننا قرويون ولا نستخدم اللغه العربية الفصحى في كلامنا... ولكننا نجيدها... نستطيع قراءة الصحف وفهمها
نحن نعرف لغتنا جيدا ... وهذا التعريب الذي تقصده أنا لا أعرفه.. لكني أعرف أننا نستطيع أن نتحدث لغات أخرى
غير العربية مهما كانت الطريقه التي تسهل علينا نطق وكتابة هذا اللغات بالمعنى الصحيح...نحن متقدمون عنهم وهم
من يرقصون على السلم....