- yoyo_dmmam كتب:
حبيبي مومو بصراحه لما قريت موضوعك كنت متأكد ان معظم الاعضاء هيترددو فى الرد على الموضوع
ودا لانك جيت على الجرح زى مبيتقال ودا فعلا داء اصابنا جميعا وحط تحت جميعا دى مليون خط
كلامك كنطقى وجميل ومعقول بس بصراحه انا مشهقوم بدور الشيخ وقلك اه ومينفعش وحرام وكدا
من الاخر كلنا مرينا وبنمر وهنمر فى تجارب عاطفيه كتيره بس تقدر تقلى هل كل من حب بقى عاصى
او ابتعد عن الدين فى ناس كتير بتصلى وتصوم وتتفقهه ووو ومع ذلك فى نفس الحاله
ومع انى معاك ان الجانب الاخلاقى والتمسك بالقيم ليه دور اساسي فى الموضوع بس اعتقد
ان الموضوع دا بقى عاده او تجربه او مرحله بتتوارثها الاجيال يعنى انا متهيالى انى معرفش
حد من كل اللى فى حياتى محبش ومتقليش حب بابا وماما لا بجد الموضوع فعلا كبير
ورغم انى مقتنع جدا بكلامك بس معتقدش ان الحل سهل
وانت اكتر واحد تعرف انا قصدى ايه الموضوع بقى بالنسبه لينا شعله امل بل ان فى ناس كتير
وبجد دا موجود بينعكس الجانب العاطفى على اعمالهم وحياتهم بشكل كبير جدا وعن ثقه بكلامى
اعرف ناس كتير كان فراق حبيب سبب فى انهم نزلم من اعلى المراتب العمليه لادنى مستوى والعكس
فعلا موضوع كبير وعايز قعده كبيره مستنى ردك ومتواصل معك فى هذا الموضوع الشيق
حبيبى وصديق عمرى
أولا أنا اتبسط لما شفت ردك وأنا فعلا محتاج لمشاركاتك عشان أنت وحشنى جداّ
ثانيا بصفتى طبعا من العباقرة وفلتات زمانى وأنت عارف كده كويس هوضحلك نقطة انت مش واخد بالك منها
بص يا سيدى
ها بصيت......أوك
ربنا مبيحاسبناش على الحاجة اللى مش بإيدينا يعني أيه
يعني لو إنت مثلا قتلت واحد مسلم بالسيارة خطأ هل أنت كده قلت أخوك المسلم وهتدخل النار
لأ طبعا عشان ده غصب عنك وربنا رفع عننا الخطأ والنسيان
كمان لو مثلا كنت شغال ومروح تعبان ومرهق ونمت وبعدين صحيت لقيت فى فرض ضاع عليك وهيبقى قضاء برضو هل أنت كده مضيع.... طبعا لأ عشان رفع القلم عن النائم حتى يفيق
الخلاصة
يعني الإحساس نفسه مش حرام عشان دي حاجه مش بإيدينا ومش مسئولين عنا وده إحساس من عند ربنا زي الخوف والطمأنينة والراحة والقلق والتعب..... ألخ
لكن الحرام بقى اللى بنترجم بيه الإحساس من أغانى وكلام ومقابلات وهمزات وغمزات لا يرضى الله عنها
وفي ناس بيكون إيمانها ضعيف وممكن تنهي حياتها أو على الأقل تتجه أتجاهات غلط أو تضيع مستقبلها أو حتى تهمل في دراستها عشان فشلت فيما سعت إليه من لفت انتباه الشخص التانى ليها
وتبقى حياتها متوقفة عند هذه العلاقة التي لاترضى الله
ولكن محدش قال إن هذا الإحساس محرم أو إن لو جالك يبقى حرام عليك
المهم عدم اتباع الشيطان وخطواته وعدم اقامة علاقات تغضب الله وتبعد الانسان عن طريق الهداية
رزقنا الله وأياكم الهداية
وأسف على الإطالة