اسئلة ملهاش اي لازمة

فية اسئلة بديهية بنتسالها كل يوم من الناس

ومالهاش اى لازمة

خلونا نشوف امثلة


انت فى اوضتك .......على السرير وطافى النور ومتغطى

يجى اخوك الظريف ويفتح الباب عليك ويقولك : اية دة انت هتنام ولا اية ?

(( اظن دة مش وضع الرقص ......واضح ان انا هنام ))

**********

انتو معزومين عند ناس وروحتو لبتهم وأول ما فتحو الباب يقول ابنهم الصغير

انتو جيتو اااااااااا

((لالسة))

***********

وانت لابس هدومك ومتأنتك وعلى سنجة عشرة وريحة البرفان واصلة لاخر الشارع....

وخلاص بتفتح الباب ,, يجى حد من اهلك وينادى بصوت عالى :

انت خارج ولا اييييييية

((لاء دانا لسة راجع ))

************

او مثلا راكب العربية ودورتها وخلاص هتطلع ..يجيلك البواب ويخبطلك على الزجاج

انت بكل زوق تفتح الزجاج وتقولة : خير فى حاجة

يقولك: انت رايح الشغل يا بية

((لا العربية وحشانى))

************

مثلا ماسك سماعة التليفون وقاعد تضغط الارقام ويجى حد من اهلك ويقولك :

انت هتتكلم فى التليفون

(( لا باتفرج عليها ,, اكيد بتكلم ))

*************

ومثلا ماسك الكتاب او المذكرة وقاعد تحفظ ومتحمس ( اول مرة بقى )

جة حد وقالك :هاة قاعد تذاكر

((تقوم رامى الكتاب وتقول لاااااااااء))

************

ربنا هديك كدة ... وماسك سبحة وعمال تسبح

يجى حد من البيت يعدى عليك ويقولك :هو انت بتسبح

((لاء هفرطها واسلقها))



تحيــــــــــــــاتــــي



منقووووول