مـــــــــوقع الصوالح
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

مـــــــــوقع الصوالح


 
الرئيسيةمكتبة الصوربحـثالأعضاءالتسجيلدخول

شاطر | 
 

 انا والنجوم و قفاك مع اسامة منير

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نهر الحب
صوالحى متميز
صوالحى متميز
avatar

عدد الرسائل : 170
السٌّمعَة : 11

مُساهمةموضوع: انا والنجوم و قفاك مع اسامة منير   الأحد 3 يناير 2010 - 2:58





انا والنجوم و قفاك مع اسامة منير


انا والنجوم وقفاك .... مع اسامة منير
طبعا كلنا عارفين اسامه منير او سمعنا اسمه قبل كده
ده مذيع برنامج انا والنجوم وهواك اللى بييجى على نجوم اف ام
معايا ليه حوار جاااااااااااامد اتفضلوا ........ هو طويل شويه بس حلو
بصوا هو تقريبا الموضوع مش هيتفهم اوى غير من المصريين او من العرب اللى بيسمعوا ال اف ام






برنامج . . للحب. . و عن الحب

مع اوووسامه منير


الحب
ذلك الشعور السهلبيسي الذي يزعزغ عقول البشر
و يهشك قلوبهم


مستمعينا لسه بنتكلم عن الحب وحلقتنا النهارده عن

الاستهبال في الحب
معاكم اسامه منير علي نجوم fm مزيكا علي كيف كيفك

في. . انا والنجوم وقفاك

من دلوقتي ولمدة ساعتين
مستنين تليفوناتكم علي 6066
او علي 8555022
او علي ايميل البرنامج
علي هواك ات نيل راديو بروداكشن دوووت كوووم
برعاية ابليس كومباني و ان تاتش و كريمات زحلقها



دايما بتمر بينا اوقات بنحس فيها اننا مش قادرين نعيش من غير الحب و من غير الحبيب
و الشعور دا متولد و منبثق من الاحساس التواجدي الكوني في اللامركزيه العصبيه للقلب
و دايما بتقابلنا مواقف كلها استهبال في الحب
ياترى احنا بنعمل ايه و رد فعلنا بيكون ايه لما نقابل حد بيستهبل في الحب . .
وخصوصا اننا جيل موبايلات و انتوا عارفين ان انا عندي 16 سنة فحاسس بيكم و حاسس بمشاكل الجيل كلها . . .



اولا الرصيد اللي بيخلص في يوم و انت لسه شاحن كارت ب 100 و تفضل تحرق في دقايق علي حبيبتك و في الاخر لما الرصيد يقرب يخلص تقولها بحبك بحبك
تقولك انت بتستهبل يا حبيبي اتلم لساورس يشوفنا



او حبيبتك اللي تفضل تكنسل عليك تكنسل عليك عشان استخسرت فيها كوزين درا علي الكورنيش
و انت اصلا مفلس مش لاقي تاكل و لما تيجي تصالحها علي الموبايل تلاقيها بتكنسل . .
فتضطر تصالحها بكارت ب 5 و تستهبل . . تلاقيها بتصرخ في وشك و تقول
انت بتستهبل؟؟
اقل من 200 متورنيش وشك



و حبيبك اللي ييجي في اوقات يعمل فيها عالم فلك و يقولك انا بقرا الكف
و يفضل يفعص في كف ايدك ولا كأنه شاف ايدين قبل كدا
و في الاخر تقوليله
انت بتستهبل ؟؟ حد يشوفنا
و انتوا اساسا قاعدين في الشارع
مستمعينا الاستهبال في الحب حالة بتمر بكل المهاطيل و المهابيل من ابناء الجيل و لو مستخدمناش عقلنا في الاستهبال بيقلب عباطه
وممكن مغص كلوي


مستمعينا مستني تليفوناتكم علي 6066
او علي 8555022
او علي ايميل البرنامج
علي هواك ات نيل راديو بروداكشن دوووت كوووم
برعاية ابليس كومباني و ان تاتش و كريمات زحلقها ياما زحلقها



نستقبل اول اتصال تليفوني و نقول الوو

الوو


الووو


الووووو

واضح ان الخط قطع

-
الوو ايوا يا اثامه

اهلا نتعرف بيكي . .

-
بثمه

اهلا بيكي يا بسمه ياريت تعلي صوتك شويه

-
معلش يا اثامه اثل انا بتكلم من تحت البطنية . .

مفهوم طبعا عشان محدش يقفشك و انت بتتكلمي
بثمة بنتكلم النهارده عن الاستهبال في الحب . . تقدري تقوليلي يعني ايه الاستهبال في الحب و بيمثل لك ايه

-
بص يا اثامه اولا انا بموت موت موت جدا طحن في البرنامج بتاعك و والله مش بفوت ولا حلقة منه ابدا خالث
و ثلملي علي الشقي الحكروت موت موت حتومه و قوله انه لذيذ اووووي و بنحبه مووت موووت . .


هو بيضحك وفاتح بقه اهوه و بيقولك
مرسي ليكي يا بسمه


-
يا اثامه انا بكلمك عشان الحلقة بتاعتك النهارده مخثوث عشاني
انا كنت بحب واحد و انا في 2 ابتدائي و فضلنا نحب بعض للجامعة


جميل


-
اهـء اهـء اهـء


لا اهدي يا بسمه و قوليلي ايه اللي حصل

-
يا اثامه اخد كل حاجة كل حاجة

اححمم
حتى الموبايل


طيب اهدي يا بسمه
بصي يا بسمه
الحب شعور متبادل بين اتنين
مينفعش طرف واحد من غير الطرف الاخر و لازم الاتنين يكونوا متفاهمين و متعاونين
هو دا الحب اللي هايدوم طول العمر و بكدا نحل كل المشاكل اللي تقابلنا حتى مشكلة غسيل الالوان مع الابيض . . لان تايد
برغوته الجديدة حل المشكله
مستمعينا نسينا نقول ان تايد من رعاة البرنامج
مع تاااااايد في الغسيل مفيش مستحييل
بشكرك يا بسمه علي اتصالك و بهديلك اغنية السوبر ستار عمرو دياب . . . .





نص ساعة اعلانات . .




انا والنجوم وقفاك برنامج للحب و عن الحب
مع اوووووسامه منير



الحب
لحظات من الامل متولدة في وسط غابات الغضب البشري الجارف المتعارض مع احداث الحياة
فالحياة بدون حب
كالشجرة بدون موبايل . .

مستمعينا لسه بتكلم عن الحب و لسه بنسأل عن الاستهبال في الحب
مستني تعليقاتكم علي 6066 او علي 8555022
او علي ايميل البرنامج
علي هواك ات نيل راديو بروداكشن دوت كوم برعاية ابليس كومباني و ان تاتش و كريمات زحلقها و بيبسي و كوكا كولا و تايد و برسيل و اومو و اريال . .



الوقت بيمر معاكم بسرعة و حاتم بيضحك مش عارف علي ايه بس تقريبا عشان البت اللي بتبيع ترمس علي كوبري ابو العلا حولت له 5 جنية رصيد . .

هاه ؟؟ عشره رصيد

طيب اشطه يا حتوم . . اخوك بقا هاه


نستقبل اتصال تليفوني و نقول الووو

الووو

الووو


الوووووو

الظاهر الخط قطع

الوو ايوا يا اسامه

اهلا نتعرف بيكي
ياريت تعلي صوتك لان الصوت بعيد اوي

_
معلش اصل انا بكلمك من الحمام
انا سمر من المنوفية

اهلا بيكي يا سمر


سمر بتكلم النهادرة عن الاستهبال في الحب
انت ايه رأيك في الاتستهبال عامة و خصوصا في الحب

_
اسامة انا عاوزه اقولك في الاول انت انت احلى و اجمل اعلامي و صوت شفته في حياتي و انا بسجل كل الحلقات بتاعتك و بحبك اوووي يا اسامه

ربنا يخليكي يا سحر . .

انا كنت بحب واحد نجار مسلح و بعدين كنت في يوم ماشية في الشارع لابسه بادي جميل و ديق موووت و بعدين واحد عاكسني فحبيبي شلحف

مين ياسمر ؟؟

_
شلحف هو اسمه شادي بس انا بدلعه شلحف
قام ضارب الواد اللي عاكسني بالعتله الحديد شاقق له دماغه
هو دلوقتي في السجن
و انا بحبه اوي يا اسامه و مش عارفه اعمل ايه
و اهلي بيضغطوا عليا مووووت مووووت عشان اتجوز واحد قد ابويا
اسامه انا مش عارفه اعمل ايه

بصي يا سحر

_
سمر

اه سوري
بصي يا سمر
بنقابل ناس في حياتنا بنحبهم و بيحبونا و ديما كتير بنكون شبهمم و زيهم . . حتى الحب نفسه سعات بيحب انه يتكون على حبيب و حبيبه
و حبيبك بيحبك و ان شاء الله يطلع بالسلامة
بس تعرفي هو لو كان العتله الحديد مصنوعه من حديد عز اكبر مصنع في الشرق الاوسط و المصدر الرسمي لحديد الجدار العازل كان حبيبك زمانه مشنوق دلوقتي لان حديد عز يتميز بالصلابه و القهوه و السيخ مظبوط و بالتمام . .

شكرا يا ساره على اتصالك و بهديلك اغنية السوبر ستار محمد فؤاد


يا مسجون في لومان طره
نفسي اكل معاك كوز دره




مستمعينا لسه بتكلم عن الحب و لسه بنسأل عن الاستهبال في الحب
مستني تعليقاتكم علي 6066 او علي 8555022
او علي ايميل البرنامج
علي هواك ات نيل راديو بروداكشن دوت كوم برعاية ابليس كومباني و ان تاتش و كريمات زحلقها و بيبسي و كوكا كولا و تايد و برسيل و اومو و اريال . .



نص ساعة اعلانات



مستمعينا لسه بتكلم عن الحب و لسه بنسأل عن الاستهبال في الحب
مستني تعليقاتكم علي 6066 او علي 8555022
او علي ايميل البرنامج
علي هواك ات نيل راديو بروداكشن دوت كوم برعاية ابليس كومباني و ان تاتش و كريمات زحلقها و بيبسي و كوكا كولا و تايد و برسيل و اومو و اريال . .

اس ام اس كتيرررر جدا النهاردة




هااي اسامه بحبك مووت. . . وبحب صوتك . . صوتك بيريحنى ولا احسن علبة دوا اسهال . . بجد وهدؤك بالكلام انا بحبه اوى موووت انا اتعرفت على واحد من ع النت وقابلته بس نفسى احسسه بمشاعرى اعمل ايه ارجو الرد يااحلى اعلامى واعذب صوت فى الكون. .
__________________

هاى يااسامة ازيك يا جميل
البرنامج جميل جدا وانتة كمان مواضيعك تحفة . . وعايزاك تقول لجابر انى بحبه جدا وميزعلش منى ابدا. . رغم كل اللي بيعمله بحبك يا تامر
قصدي يا جابر
حبيبتك شاهيناز

__________________

هاى اسامه انا محمود من الاردن عاوزك تقول لهبة اننا مش هانفترق تاني ابدا ابداا
حتى لو فضلت تقرقض في ضوافر رجليها ببقها . .
__________________

هااي يا اسامه ازيك
يا اسامه عاوز الايميل بتاعك بجد في مواضيع مهمه قوي عندي عاوز الحل ليها . . معلش يا اسامه بليز و الله يا اسامه انا تعبانه موووت و انت الامل الوحيد ليا . .

__________________

هااي اسامه يا احلي و اجمل صوت في الدنيا
اسامه بليز ممكن حلقه عن الحب من طرف واحد اصل اخوك كهربائي سيارات . . .
بحبك مووووت يا سوكا

__________________

هااي يا اسامه انت اجمل و احلي صوت في الكون كله
ارجوك يااسامه قول لحسن انه مهما دور على حد ممكن يحبه ويسامحه ويغفر له كل حاجه مش هيلاقى غيرى لانى بحبه بصدق ومش عاوزة منه اى حاجه
خالص. . و هتنازل عن تمن الموبايل اللي ضربوا مني في الشهر اللي فات و باعه . .

__________________

اسامه اسامه اسامه
ازيك يا جميل
على فكره يا عم انت شوفلك حل . . حبيبتى بتحبك
انا محمدين من دمياط . . بحبك قوى يا رضوى
__________________

هاااي يا اسامه ازيك عامل ايه
انا عارفه ان الحب مفهوش كرامه وهو الى خلانى بقيت كدة ازاى بعد كل دة هو اللى يبعد ويختار هو علمنى ازاى معرفش اعيش من غيرة ونسى يعلمنى لما يبعد هعيش ازاى . . . بحبك يا بعجررر
__________________

هاااى اسامه انا فى عندى مشكله انا بحب واحده ومش عارف اصرحها خايف يكون الحب من طرف واحد
بحبك يا سندس ااوووي و نفسي اخد الرصيد اللي في موبايلك كله . .

__________________

هاااي اسامه ازيك
انا سنية من القاهرة
انا بحب واحد قد ابويا و مش عارفه اعمل ايه بحبه موووت مووووت يا اسامه عشان شعره الابيض الجميل و فجأة اكتشفت انه سمكري سيارات و ان البويه جت علي شعره
اسامه انا مش عارفه اعمل ايه انت املي الوحيد
__________________

هاااي ا س اس ازيك
انا عيوشه من شبرا و بحب واحد من الصعيد
و اتخانقنا بس لما سمع الحلقة بتاعت البرنامج اللي فاتت جاني تحت البلكونه من الصعيد مشي و قعد يعيط و انا بحبه خالص يا اسامه
بحبك يا صميده موووت موت







الوقت بيمر معاكم بسرعة وقت حلقتنا انتهى و حاتم فرحان مش عارف ليه
باين البنت بتاعت الدره حولت له رصيد تاني
كان معاكم اسامة منير علي نجوم اف ام مزيكا علي كيف كيفك
في انا و النجوم وقفاك من 12 لـ 2
بشكر كل اللي كلمنا و اللي بتعت ا س ام اس
مع انا و النجوم وقفاك استنوتا يوم الحد في نفس الميعاد قبل ساعتين من دلوقتي علي نجوم اف ام 100. 6
مزيكا علي كيف كيف



برعاية



ان تاتش
و ماكدونالدز
و مؤمن
و اريال و تايد
خديجه جمال مبارك
سوزان
و كنتاكي
و مصنع كوبايات ام سمير
و كراسة الاول
سلاح التلميذ
سوق الخضار في السبتيه
مصنع كريمات ام وائل
كوافير ام ابراهيم للسيدات و قسم خاص للمحجبات
مزرعة دواجن او احمد لتسمين العجول
النادي الاهلي و الزمالك
اديداس و بوما و لوتو و امبروو
اميجو كوتشي بينور
امريكانا الجودة
لانشون حلواني الإخوان
منظمة التحرير الفلسطينية
مجلس الشعب
سمنة الهانم





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابو موافى
مراقب
مراقب
avatar

عدد الرسائل : 719
السٌّمعَة : 12

مُساهمةموضوع: رد: انا والنجوم و قفاك مع اسامة منير   الثلاثاء 12 يناير 2010 - 6:44

هههههههههههههههههههههههههههههههههههههه
هههههههههههههههههههههههههههه
ههههههههههههههههههه
هههههههههههه
ههههههههه

والله العظيم حلقت النهارده جميله موت

فعلا هو ده الى بيحصل

مشكوووووووره نهووووووووووووره وللامام داما

______________________________________________________________________________________________________
Hazem_hazem1268@yahoo.com
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نهر الحب
صوالحى متميز
صوالحى متميز
avatar

عدد الرسائل : 170
السٌّمعَة : 11

مُساهمةموضوع: رد: انا والنجوم و قفاك مع اسامة منير   الإثنين 1 فبراير 2010 - 11:53

مشكوره اخ ابو موافى على مرورك الطيب
نورت الموضوع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الحج أحمد
صوالحى فعال
صوالحى فعال
avatar

عدد الرسائل : 48
السٌّمعَة : 1

مُساهمةموضوع: رد: انا والنجوم و قفاك مع اسامة منير   السبت 3 يوليو 2010 - 8:13

مساء الخير اقولك علي حاجه جربي سمنه النخلتين هههههههههههههههه
وريحي دماغك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد احمد النجار
صوالحى فعال
صوالحى فعال
avatar

عدد الرسائل : 64
السٌّمعَة : 4

مُساهمةموضوع: رد: انا والنجوم و قفاك مع اسامة منير   الثلاثاء 28 ديسمبر 2010 - 12:31

[center]السلام عليكم ورحمة الله وبركاته
ارجو التدبر فى الكلام و التفكير فيه بالعقل و ليس بالمشاعر - فقد وجدت عدة تساؤلان عن ديانة اسامة منير و قد بحثت ووجدت العديد من الحقائق عن اسامة منير و يكفى ان تكتبوا حقيقة اسامة منير على القوقل - و ايضا استغربت من الكلام الدينى و كلامه عن صلاة الاستخارة و غير ذلك من الكلام ؟؟ و ما اذا كان نصرانى - و هو بالفعل نصرانى - لما لا يقول ذلك مباشرة و لا يتكلم عن الدين الاسلامى و الصلاة ؟ فهو لا يعترف ( يكفر ) بالقران ( يرى انه تأليف بشرى ) و بالرسول محمد ( يرى انه شخص يدعى النبوة ) و لا بمكة و لا برب المسلمين ؟ فكيف نأخذ النصيحة منه ؟ و منها النصائح الدينية ؟؟ كيف هذا ؟؟
احزر
و
ه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
droge
صوالحى محترف
صوالحى محترف
avatar

عدد الرسائل : 538
السٌّمعَة : 16

مُساهمةموضوع: رد: انا والنجوم و قفاك مع اسامة منير   الثلاثاء 28 ديسمبر 2010 - 23:14

ياعم الحج . اسامه منير ولا غيره عالم فاضيه مش لاقيه حاجه تعملها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
انا والنجوم و قفاك مع اسامة منير
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مـــــــــوقع الصوالح :: المنتدى العام :: قسم الحوار والنقاش الجاد-
انتقل الى: