مـــــــــوقع الصوالح
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

مـــــــــوقع الصوالح


 
الرئيسيةمكتبة الصوربحـثالأعضاءالتسجيلدخول

شاطر | 
 

 إلى مولانا الإمام الأكبر..!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
moez64
قلم لا يتوقف عن الابداع
قلم لا يتوقف عن الابداع
avatar

عدد الرسائل : 670
السٌّمعَة : 14

مُساهمةموضوع: إلى مولانا الإمام الأكبر..!   الإثنين 12 أكتوبر 2009 - 12:39

إلى مولانا الإمام الأكبر..!

"حوار حصري متخيل بالعامية حتى يسهل فهمه وهضمه"..!






مولانا صاحبة العمامة

حلوة وآخر قيامة "أيامة"

بيضة ومافيهاش علامة

نقية كلها شهامة..!



علامة في التفسير

فهامة في التعبير

قدوة في التطوير

أستاذ الفكر المستنير..!



سعى للإفتاء فناله

وأصبح الفقهاء عياله

في كتاب واحد جمّعه

اختصر المذاهب الأربعة..!



"هم رجال ونحن رجال"

هكذا مولانا قال

وكثر السؤال وقيل وقال

وضاعت الأموال..!



مولانا شيخ الأزهر

سي السيد.. الله أكبر

دار الإفتاء ضاقت

أم ضاقت مشيخة الأزهر؟!



مولانا هادي وقور

حامد ربه الغفور

صريح لا يلف ولا يدور:

أنا عبد المأمور..!



ولي الأمر يا جماعة

وله علينا الطاعة

حبِنا وحبِناه وصار متاعنا متاعه

ومن كرهه كرهناه ويحرم علينا اجتماعه..!



والمنكر يا مولانا؟!

تغييره باليد على ولي الأمر

وباللسان عليّ

وبالقلب عليكم..!



بالله عليك يا مولانا صحيح؟!

أيوه يا فصيح..!

خدها مني نصيحة

وبقلب مستريح..!



أنا يا ابني شفت كتير

من دار الإفتاء للأزهر الكبير

اسمع الكلام ومع الموجة سير

مش مهم ليه.. المهم الراجل الكبير..!



والكبير يا مولانا؟!

واحنا يا ابني بنعمل إيه

ما نخافش علي البلد ليه

ونحمي ريسها واللي حواليه؟!



مِن مين يا مولانا؟!

أكيد من الصهانة المجرمين

أو من الاشتراكيين أو البهائيين

أو الشيوعين أو عبدة الشياطين..!



لا.. لا.. من الإرهابيين

المتنطعين.. الرجعيين

المتأخرين والمتخلفين

أعداء البلد والدين..!



لكن يا مولانا.........

دول بس مش مختلفين

بل منحرفين وضالين

علشان كدا إنتم عنهم مش راضيين؟!



لا.. لأن كل واحد عامل فيها كبير

وكله عايز التغيير

بلاش فوضى وكلام فارغ

البلد فيها قانون ع الكبير والصغير..!



قانون مين يا مولانا؟!

الأمن من حقه

يكسر لمن شاء حُقُه

ويقفل لمن أراد بُقه..!



ناقشهم يا مولانا

بالحكمة والبيان

واقنعهم فضيلتك

بالحُجة والبرهان



يا ابني دول مارقين

ومالهمش عندي غير "الجزمة"..!

واللي مش عاجباه مصر يسيبها..!

واللي يخون البلد مالوش لازمة..!



شباب متحمسين وصغار

وأنت الأب بل الإمام الأكبر

انصحهم وارشدهم وعليهم اصبر

دول مساكين والله وإن لم تكسبهم "مش حتخسر"..!



هب مولانا كالأسد الغضنفر

رفع العٍمامة وإيديه شمٍّر

وقعد يهدد ويشخط وينطر

إنتم فاكرين إيه أنا شيخ الأزهر..!



أرجوك يا مولانا اسمـ..............

مش عاجبكم مصر روحوا بلد ثانية

لكن دي بلدنا فضيلتك

وإحنا مش ولاد زوجة ثانية..!



لا عاجبكم تعليم ولا بنوك

رغم أن كلها فوائد

في ستين ألف داهية..!

الدين يسر وليه تبقى جامد؟!



لكن الربا يا مولانا..

أنا أفتيت وقُضي الأمر

وبلاش شغل العيال

والإفتئات على أولي الأمر..!



حِلمك يا مولانا.. البلد حلوة وجميلة

لكن فضيلتك محتاج وسيلة

لهدف أسمى وغاية نبيلة

كي تسير السفينة ودي مش مستحيلة..!



انزل يا مولانا للناس

وعاملهم بالإحساس

بسماحة الإسلام

وإسلام السماحة



خاطبهم بالصراحة

إللي فيها راحة

إنتم في كذا غلطانين

وممكن بكذا تبقوا كويسين



هم أولى من حوار الأديان

إللي وجعتم به الآذان

إللي ما فيش فايدة فيه

زي توحيد الأذان..!



بعد صمت نادر من مولانا

وحلم لم نعتده في الإمام الأكبر

طردنا من مكتبه بتجبر

وشقت سكون الصمت "الله أكبر"







محمد عبدالمعز



2009/10/12
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
momoaziz
صوالحى اصيل
صوالحى اصيل
avatar

عدد الرسائل : 1112
السٌّمعَة : 12

مُساهمةموضوع: رد: إلى مولانا الإمام الأكبر..!   الثلاثاء 13 أكتوبر 2009 - 6:05

يا عم خسارة فيه كلمة مولانا وحتى كلمة شيخ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
إلى مولانا الإمام الأكبر..!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مـــــــــوقع الصوالح :: المنتدى العام :: القسم العام-
انتقل الى: